Skip to main content

Air Greenland: Taamaattumik taamaatitsiinnartarpugut

Kujataani innuttaasunit Air Greenlandip sakkortuumik isornartorsiorneqarneranut silap ajortarnera peqqutaanerpaavoq, nunatsinni timmisartuutileqatigiit nassuiaapput 

Uani qaammammi innuttaasunit naalakkersuinermillu suliaqartuni angallannerup aaqqissuussaanerata kingunerisaanik annertuumik isornartorsiuisoqareersorlu ilaatigut qulimiguullip Bell 212-p S-61-imik taarsiinera naammagineqanngilluinnarluni Air Greenlandimit kissaatigineqarpoq KNR-mut naqqiinissaq, tassanimi timminissarpassuit taamaatinneqaannartarnerinut kukkusumik nassuiaasoqartartoq timmisartuutileqatigiit nalunaarput: 

- Eqqorpoq Kujataani 2013-ip aallartinnerani taamaatitsisarnerit arlaqarsimasut, Qanoruumili taamaatitsinerit 87%-iunerarneqarneri eqqunngilaq. Kujataani silap ajoqusersungaatsiarsimavaatigut, ajoraluartumillu timmisartuussinernik eqquisumik ullut marluk teknikkikkut ajornartorsiuteqarpugut. Oqatigisariaqarporli sap.ak. sisamat silamik pitsaanngitsumik atugaqarfiusut tunngavigalugit Kalaallit Nunaanni qulimiguullit Bell 212-t timmisartuussissutitut atorneqarsinnaannginnerarlugit oqassalluni eqqunngitsoq, Christian Keldsen, Air Greenlandimi niuernermut pisortaq oqarpoq

Ukioq manna 2012-mut sanilliullugu Narsarsuarmiit taamaatitsinerit 9%-mik ikinnerupput, Narsamiit 12%-mik aamma Qaqortumiit 9%-mik amerlanerullutik Nanortalillu eqqugaanerpaalluni 24%-nik amerlanernik taamaatitsiffiusimavoq

Air Greenlandip kisitsisaataasa aamma takutipaat Narsamiit taamaatitsinerit 13 procentpointimik amerlanerusut Qaqortumiillu 8 procentpointimik amerlanerullutik. Aammali piffimmi tassani ukioq manna Narsarsuarmit aallanermi taamaatitsinerit 9 procentpointimik ikinnerupput.  

Læs "Air Greenland erkender Bell 212-problemer"

Anori sakkortulluinnarsinnaasrpoq
- Timmisartuussinissanut pilersaarutit malillugit angallannerup ingerlanneqarnissaa pingaartinneqaqaaq, taamaammat qanoq pisoqaraangat stationit, ingerlatsinermut qitiusoq aammalu angallannermut qullersaqarfik ataqatigiissaarillutik ataatsimeeqatigiittarput. Taamaatitsisarnerit tamatigut silamik peqquteqartarput. Siornalu taamaatitsisarnernut takussutissiaq eqqarsaatigalugu, angallassinerit pissusissamissut ingerlasannginerat timmisartuussinikkut aaqqiivigininnikkut millisinneqarsinnaanngitsoq nalilerneqarpoq. Taamaatitsisoqartillugu kinguartitsisoqartillugulu ilaasussat piaarnerpaamik ingerlanniarnissaat pingaartinneqartaqaaq. Tamanna taaneqareersutut immikkoortortat attuumassutillit oqaloqatigiinnerisigut aammalu immikkut timmisartuliinikkut pisarpoq, Christian Keldsen nassuiaavoq.

- Taaneqareersutut taamaatitsisarnerit silamik peqquteqarnerusarput, taamatullu pisoqartillugu annikinnerpaamik eqquinissaq eqqarsaatigalugu arlaleriarluta kujataani illoqarfiit nunaqarfiillu akornanni AS350 atortarparput, Bell 212 ilaasunik kinguaattoornermik/taamaatitsinermik eqqugaasugaasunut kisiat atorniarlugu. 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER