Skip to main content

Kuupik: Kinaassuseq suna ujartorparput?

Inuiaat kalaallit kinaassusaannik tarninganillu apeqqut IA-p siulittaasuata Kuupik Kleistip qaqippaa, aammalu ´piviusut annilaarnartut´ paquminartullit tikillugit 

- Kinaassuseq suna ujartorparput? Suut naleqartippavut?

Inuit Ataqatigiit siulittaasuat Kuupik Kleist ilaatigut taamatut aperivoq, Sisimiuni IA-p ataatsimeersuarnerani oqalugiarnermini.

- Erseqqissaatigisarpavut issittumi inuiaasugut, pinngortitaq pingaartumillu pisuussutit uumassusillit inuussutigigivut, nerisassaativut, oqaatsivut pissuserpullu. Ilisimaneqarusuppugut avatangiisinik illersuisutut. Ilisimaneqarusuppugut ilakkuminartutut. Inuuneq atorusupparput. Ilisimaneqarusuppugut kalaallisut inuiattut qasusuitsutut, tunniutiinnarneq ajortutut tamatigullu pitsaasunik ujartuisutut.

- Tamakkuali tamaasa saniatigut naggataatigut tarnitta inuunermillu isiginninnitta aammalu inuttut naleqartitatta kinaassusersivaatigut. Tarneq, ammip qalipaataanik, racemik upperisamilluunniit ilisimasaqanngitsoq - tarneq, inummik kimilluunniit kinaassusersisoq, Kuupik Kleist erseqqissaavoq.

Piviusut annilaarnartut
- Aammattaarli sanngiissuteqarpugut. Takussutissaqarpugut paquminangajassinnaasunilluunniit, piviusunilli. Pisiusut annilaarnartut, persuttaanerit, atornerluinerit, toqutsinerit imminullu toqunnerit ersinaannartumik atugaasorujussuullutik. Taamatullu oqareerlunga oqaatigissavara takussutissat tamakkua qujanartumik annikilliartormata - kigaatsorujussuugaluamik, IA-p siulittaasua ugguarpasilluni oqarpoq.

- Illoqarfinnut nussonerujussuaq piviusoq alianartuuvoq alla. Pimoorullugu eqqarsaatigisariaqarparput qanoq isilluta inuiaqatigiit kikkunnut tamanut najugaqarfigissallugit pilerinartilersinnaaneripput.

Ataatsimeersuarnermit Sermitsiaq.AG-p allaaserisai tamaasa atuakkit uani

 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER