Skip to main content

Jens B. aaqqiissutissarsiorpoq

Silaannakkut angallannermi ajornartorsiutit, S-61-it atorunnaarnerisa kingorna annertuserujussuartut, politikkikkut akisussaasup aaqqiissutissarsiulerpai 

Avannaani Kujataanilu angallannikkut pissutsit ajorseriarsimasut maalaarutigineqaqattaarfigineqarnerisa iliuuseqarfigeqquneqarnerisalu kingorna maanna ineqarnermut, attaveqarnermut angallannermullu Naalakkersuisoq Jens B. Frederiksen, Demokraatit, Air Greenland oqaloqatigalugu atorsinnaasumik aaqqiissutissarsiulerpoq.

Aaqqiissutissatulli siunnersuutigineqanngillat helikopterit nutaat imaluunniit helikopterinik allanik attartornissaq. Tamanna akisuvallaaqaaq.

- Helikopterimik S-61-imik attartorneq ukiumut 65 millioner koruunit missaannik akeqassaaq. Aaqqiissutissaq tamanna partiit arlaannaataluunniit soqutiginartissimanngilaa. Aaqqiissutaasinnaapput angallatit sukkasuuliat, Jens B. Frederiksen oqarpoq.

Innuttaasunik ataatsimiititsissaaq
Avannaani innuttaasut sullissinissamik isumaqatigiissut nutaaq naammaginngeqaat, Kujataanisut angallannermi atukkat ajorseriarmata, helikopterit mikisut Bell 212-it silamik saperngujasut pissutigalugit. Taamaattumik Qeqertarsuarmi Inuussutissarsiornermut Siunnersuisoqatigiit Jens B. Frederiksen ataatsimeeqatiserisimavaat aaqqiissutissamik nassaarniaqatiginiarlugu.

Aamma atuaruk: Kujataani angallannermut ataatsimiititaliaq: Killissaa tikinneqarpoq

Ataatsimeeqatiserinninnermut tamatumunnga politikkikkut akisussaasoq akuersisimavoq.

Taamaasilluni Jens B. Frederiksen Qeqertarsualiassaaq februaarip 19-anni, tassanilu ullukkut Inuussutissarsiornermut Siunersuisoqatigiit ataatsimeeqatigeriarlugit unnukkut innuttaasunik ataatsimiititsissaaq.

Aamma atuaruk: Qeqertarsuup Tunua: Bell 212-it tatiginanngillat

Aamma atuaruk: Siumut: Bell 212-it taarserlugit

Jens B. Frederiksenip saniatigut aamma Air Greenlandimit Disko Linemillu sinniisunik peqataasoqassaaq, apeqqutit tamaasa sapinngisamik akissutissarsiorumallugit.

 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER