Skip to main content

Karl-Piitap angusani naammagisimaarluarpaa

Tjekkiami U23-t VM-erneranni sukuutserluni 15 kilometerernermi peqataasunit 80-init Karl-Peter Kristensen normu 80-inngorpoq 

Tjekkiami U23-t VM-erneranni Kalaallit Nunaat sisamanngormat naggataamik peqataatitaqarpoq Karl-Peter Kristensen sukuutserluni 15 kilometerernermut peqataammat. Karl-Peter Kristensen kingulliit ilagaat, peqataasunit 83-init normu 80-iulluni apuukkami.

- Unammineq pitsaasuuvoq. Ingerlalluartutut misigisimavunga ajugaasumillu minutsinik arfineq-marlunnik kingulliullunga apuullunga. Unammiffik sakkortoqaaq qummukarfiit takeqalutik. Unammiffik aqqutaa tamaat tamaviaarfiusariaqartoq, Karl-Peter Kristensen Sermitsiaq.AG-mut oqarpoq.

- Pissutsit pitsaanerpaajunngillat. Apeqqammersimavoq tamannalu tamaviaarnarneruvoq. Angusara naammagisimaarluarpara, sæsonillu ingerlateqqinnissaa qilanaaralugu.

Sapaatip akunnerani aggersumi Norgemi qallunaat pissartanngorniutissapput. Tamatuma kingorna Karl-Peter Kristensen norskit U23-t pissartanngorniunneranni peqataassaaq. Februaarimi Italiami Val di Femme-mi VM-erluni stafet-ertoqassaaq. Taamaattumik Karl-Peter suli unammisaqattaangaatsiassaaq, sisoraatinillu oqilaniunneq nuannarilluaqqilersimavaa, sæsonip aallartinnerani sungiusarnera pitsaanerpaajusimanngereersoq.

 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER