Skip to main content

Nunarput peqataatitaqarluarpoq

Bordtennisimi kakkannerpaat 12-t sapaatip akunnerata naanerani Køgep eqqaani unammiuaalerpata Nukannguaq Søholm aamma Maaliaanna Wille peqataassapput 

Sapaatip akunnerata naanerani bordtennisimi Kakkannernut 12-nut anngunniulluni unammiuaarnermi, Køgep eqqannguani ingerlanneqartussami, kalaallit bordtennisertartut marluk peqataassapput. Taakkua tassaapput Nukannguaq Søholm aamma Maaliaanna Wille, arnani inuusuttuni U21-ni unammeqataasussat. Kikkut tamarmik imminnut unammisaqattaarneranni unammisartut allat tallimat unammissavaat.
Unammisartut angusarissaarnerpaat sisamat Kakkannerit 12-t Skagenimi unammiuaarnissaanni peqataassapput. Kakkannerit 12-t unammiuaarnerata tassaavoq ukioqatigiinni tamani kakkannerit 12-t unamminerat, taamaattumillu kakkannerpaaginnaat peqataasarput.

Unammisartut inersimasut sungiusaasuat Tommy Jørgensen unammiuaarnermi coach-itut peqataassaaq, isumalluarporlu.

- Isumaqarpunga nivissat ikinnerpaamik aappaata Kakkannerit 12-t unammiuaarnissaannut anngunnissaminut periarfissarissaartoq. Taamaattoqassappat nuannissaqaaq. Nivissat Tjele Efterskolimi sungiusarluarsimapput, malinnaaffiginissaallu qilanaarisorujussuuvara, Tommy Jørgensen oqarpoq.

Kakkannerit 12-t unammineranni siusinnerusukkut marloriarluni kalaallinik bordtennisertartunik peqataasoqartarsimavoq.Ivik Nielsen (marloriarluni) aamma Arnannguaq Lyberth siusinnerusukkut peqataasimapput.

 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER