Issittumi siunnersuisooqatigiinnut peqataarusuttorpassuupput

Issittumi Siunnersuisooqatigiit ukiualuit matuma siornagut suliniaqatigiiffiuvoq piuaatsoq piujuartitsisumik ineriartornissamik issittumilu avatangiisit illersorneqarnissaannik tunaartaqartoq. Ullumikkut nuanrsuarmi tamarmi piumaneqarnerpaatut inisissimavoq

Issittumi Siunnersuisooqatigiit kajugerineqarput

Upernaamut Issittumi Siunnersuisooqatigiit aalajangissavaat Kina Issittumi Siunnersuisooqatigiinni alaatsinaatsutut inissisimalissanersoq.

Taama allappoq Weekendavisen.

Suliniaqatigiiffinnguusimariarluni ilaatigut piujuartitsinermik ineriartortoqarnissaanik tunngaveqartoq Issittumi Siunnersuisooqatigiit ullumikkut nunarsuarmi piumaneqarnissaasut ilagaat.

Kinami kisimi ilaasortaanissamik kissaateqanngilaq, maannakkullu Korea Kujalleq Japanilu ilaasortanngorusupput. Decembarimilu India Singaporelu qinnuteqartunut ilanngupput.

Naak "nunat kiattut" alaatsinaatsutut inissisimanissaminnik kissaatigisaqarlluartut siunnersuisooqatigiinni ilaasortaanermi nunat Issittumi isumaqatigiissutissanik suleqataasinnaapput.

Nunat angisuut naalakkersuisnikkut nuimaniarnerisigut nunat inoqqaavi sunniutaaruteriaannaapput, Weekendavisen allappoq.

- Soorunami Issittumi aatsitassatigut ineriaritorneq Kinamit, Japanimit Singaporemillu soqutigineqarpoq.

- Issittoq Sikuiuitsutut kujallertut soqanngitsutut inngilaq; tassani najugaqarput nunat inoqqaavi nunami imaanilu pisinnaatitaaffeqartunik, Weekendavisen allappoq.

Issittumi siunnersuisooqatigiinniipput Canada, Danmark Kalaallit Nunaat Savalimmiullu ilanngullugit, Finland, Island, Norge, Rusland, Sverige, USA - nunallu inoqqavi soqutigisaqatigiinni arfinilinniittut ataavartumik peqataasarput makkunaneersut: Arctic Athabaskan Council, Aleut International Association, Gwich'in Council International, Inuit Circumpolar Council (ICC), Saami Council og Russian Association of Indigenous Peoples of the North (RAIPON).

Powered by Labrador CMS