Skip to main content

Qeqqata Kommunia qaaqqusivoq

Qeqqata Kommuniata atasinnaassutsimik suliniummini innuttaasut akulerutsinniarpai, taamaattumillu Maniitsumi innuttaasut ullumi illumut ammasumut qaaqqullugit 

Ullumi sisamanngornermi Maniitsormiut soqutiginnittut oqaluffikumut piffissami 11.00 - 18.00 ornigussinnaapput, Qeqqata Kommuniata kommunip 2020-mi atasinnaasumik issittumi inuiaqatigiinngortitsiniarneranik sulinera annertunerusumik paasisaqarfigerusukkunikku.

Tassani innuttaasut ilaatigut Pilersitsivik tusagaqarfigisinnaavaat, tassaasoq sannavik ilinniarfik inuusuttut sulilernissaannik ilinnialernissaannillu ikiuisoq. Qeqqussanik suliniut, tassani misissorneqarluni qeqqussat panerserlugit nerisassanut avammullu tuniniaanermi atorneqarsinnaanerat aammalu eqqagassat, imikullu pitsaanerusumik iliuuseqarfiginissaat. Minnerunngitsumillu nukissiornermi pisuussutit pitsaanerusumik atornissaannik tusartinneqarlutik.

Inuiaqatigiit pitsaanerusut
- Aaqqissuussinermut kikkut tamarmik takkussinnaapput, nalinginnaasumik innuttaasunik ataatsimiititsinerunngitsumut. Nerrivinni innuttaasut, suliniutini peqataasut kommunillu allaffiani sulisut isummaminnik taarseeqatigiissinnaapput oqaluuseralugulu qanoq isilluni ataatsimoorluni inuiaqatigiit pitsaanerusut pilersinneqarsinnaanersut siunissamilu atasinnaanerulerlutik, Qeqqata Kommuniani Ilaqutariinnut pisortaq Svend Erik Rasmussen oqarpoq.

- Aaqqissuussineq qilanaarisorujussuuvarput, suliniutitsinnullu innuttaasut isumassarsiaasa tusarnissaat pissanngatigaarput. Atasinnaasumik ineriartortitsinerup ilagerpiarpaa pinewqartut pitsaanerusumik akulerutsittarnissaat: Innuttaasut. Innuttaasut peqataanngippata atasinnaassuseqartoqassanngilaq, taamatut oqartoqarsinnaangajappoq. Innuttaasunit siunnersuutit isumassarsiallu sulissutigeqqinnissaat qilanaarpaarput, sapinngisarpullu tamaat piviusunngortinniarsarissavagut, Svend Erik Rasmussen oqarpoq.


 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER