Skip to main content

Espersen: Kalaallit Nunaat killormut nunasiaatilersorpoq

- Kalaallit Nunaata Suliniussuarnut inatsimmik akuersissuteqarneranut atatillugu Nunat alalmiunut inatasisip allannguutissaata Danmarkimit akuerineqarnissaa ajornartorsiuteqanngitsuunngiaq. Taamatut oqarpoq Søren Espersen, Dansk Folkeparti 

- Suliniussuarnut inatsit taasissutigissanngilarput, taanna kalaallit akuersissutigereerpaat. Folketingimi nunat allamiunut inatsit taasissutigissavarput, kinamiut Kalaallit Nunaannut isersinnaaniassammata.

Taamatut oqarpoq Dansk Folkepartip Kalaallit Nunaannut oqaaseqartartua Søren Espersen, radio24syv-imut, tassanilu ullaaq sisamanngornermi naalagaaffimmit pigineqartumik selskabiliornissamik, Kalaallit Nunaanni aatsitassarsiornermi aningaasaleeqataasussamik, Dansk Folkepartip siunnersuutaa oqaluuserineqarpoq.

- Nunat allamiunut inatsisip allanngortinneqannginnerani sorpassuit qulaajaqqaassavagut, Søren Espersen radio24syv-imut oqarpoq.
Ilaatigut erseqqissaatigaa Kalaallit Nunaata Danmarkillu akornanni pas-eqannginnera. Pas-eqannginnera pissutigalugu kinamiut Danmarkimut killeqanngitsumik angalasinnaapput.

- Suut tamarmik malinnaapput. Tunngaviusumillu akerleraarput akissarsialutsitsisunik nunamut isaasoqarnissaa. Kalaallit Nunaat killormut nunasiaatilersorpoq. Piffissami Kalaallit Nunaata Danmarkillu peqatigiissimaneranni tamarmi Danmarkip Kalaallit Nunaat iluaqutiginianngisaannarsimavaa. Ukiuni 300-ngajanni Kalaallit Nunaat peqatigisimavarput. Kalaallinik ilaqutareeqanngilaq qallunaat aavannik aaqanngitsunik. Piffissami sumiluunniit Kalaallit Nunaat iluaqutiginiarsimanngilarput. Uagut imaani alapernaarsuissaagut il.il. Suut tamaasa Danmarkip isumagai, iluaqutissartai Kalaallit Nunaata pigai, Søren Espersen oqarpoq toqqaannartumillu oqarluni tamanna naapertuuttuliornerunngitsoq. 

Aamma atuaruk: Kuupik: Unitsitsigallartoqassanngilaq

Aamma atuaruk: Danmark immikkut ittumik pineqassanngilaq

Aamma atuaruk: Qallunaat partiivi: Naalagaaffik Kalaallit Nunaanni aningaasaleeqataasariaqarpoq

Aamma atuaruk: Thorning: Kalaallit Nunaat nammineq aalajangiissaaq

Oqarporli Namminersornermut inatsimmi, ukiut sisamat matuma siornatigut Folketingimi akuersissutigineqartumi, unammilligassat Dansk Folkepartip siulittuutigisimasariaqaraluarai:
- Ukiut sisamat matuma siornatigut naggataatigut pisuussutit tamaasa Kalaallit Nunaannut tunniuppavut. Maanna ilamininngui annaanniarsaraavut aningaasaliissuteqarnermut selskabimik pisortanit pigineqartumik siunnersuuteqarnitsigut. Taamatut annaasat ilamininngui annaanniarsaraavut. Maannali kikkut tamarmik kappialalerput. (ilaatigut Venstre, unitsitsigallarnissamik siunnersuuteqartoq, aaqqiss.). Malinnaasimanngillat, Søren Espersen oqarpoq.

Minutsit 30-t ingerlareersut aallakaatitassiaq iserfigineqarpoq. Streame-rsinnaavat uani

 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER