Allissutip ilaa ammarneqarnissamut piareerpoq

Nuummi Hotel Hans Egedep ineeqqanik nutaanik 20-nik allileriniarnerminik kiisalu ataatsimeersuartarfimmik nutaamik inunnut 350-inut inissalimmik sanaartorniarnerminik nalunaaruteqarneraniit qaammatit 14-it qaangiuttullu allilerinerup immikkoortua siulleq tallimanngornermi januaarip 25-ani illoqarfiit pingaarnersaanni akunnittarfiit annersaannit ammarneqassaaq.

Akunnittarfimmi isersimaartarfik saaffiginnittarfillu nutaaq tamatumani pineqarpoq.

Tamatumanilu ilaatigut isiginnaarutit nutaat qulit ilaassapput, naak qaammammi matumani siusinnerusukkut akunnittarfiup toqqorsivianit marloriarluni tillinniartoqarnerani tillinneqarsimagaluartut.

- Isiginnaarutinik nutaanik qulinik timmisartukkut tikisitsivugut allat tammarmata. Angumerigatsigu nuannaarutigaara, kisianni tamatumani sillimmasiissutini 30.000 koruuninik akiliisussaatitaavugut, Hotel Hans Egedemeersoq Carl Juhl oqaluttuarpoq pisimasunik naammaginnippasinnani.

Læs "HHE: Det kan blive en katastrofe"

Paasissutissanut isiginnaarutit taakkunannga immikkut ittut nalinginnaasumik atorneqarsinnaanngitsut saaffiginnittarfimmi atugassat arfineq-marluk nassaarineqarnerannik kinguneqarsinnaasunut 5.000 koruuninik akissarsisitsinissamik neriorsuuteqaraluarneq akunnittarfimmut ajoraluartumik iluaqutaanngilaq. Det hjalp desværre ikke for hotellet, at man havde udlovet en dusør på 5.000 kroner for oplysninger, der kunne føre frem til skærmene, hvoraf syv var specielle skærme til receptionen.

Ataatsimeersuartarfik tallimanik ulloriartalik nutaaq aggustip 31-ani ammarneqartussatut pilersaarutigineqarpoq.

Akunnittarfiup allilerneqarnera pillugu annerusumik maani atuarit