Ilinniarfiup nuunneqarnissaa pillugu oqallinneq illuinnaasiortoq

- Anguniagaasariaqarpoq inuusuttut ilinniagassamik pitsaanerpaamik periarfissinnissaat.

Taama Imarsiornermik Ilinniarfiup, naalaganngorniat ilinniarfiata aamma Piniarnermik Aalisarnermillu Ilinniarfiup siulersuisuinut siulittaasoq, Ole Dorph tusagassiuutitigut nalunaarummi allappoq, erseqqissaallunilu ilinniarfiup Paamiuniit Nuummut nuunneqarnissaanik aalajangerneq siulersuisunit tamarmiusunit isumaqatigineqartoq.

- Taamatut aalajangernerup nassatarivaa sakkortuumik misigissutsikkullu annertuumik nunap ilaanut politikkikkut aammalu Paamiut nungusaaffigineqarneranik oqallinnermik, Imarsiornermimmi Ilinniarfik Paamiuni inissisimammat.Taamatut oqallinneq paasinarluarpoq. Taamaattorli illuatungiinnarsiorpallaaqaaq. Oqallinnermimi siunissami kinguaariit tulliit Kalaallit Nunaanni umiartortussanik namminerisamik pilersitsinissamik oqallinneq ilanngunneqanngila? Sooq nuannaartoqanngila, imarsiornikkut ilinniartitaanerup nukittorsarneqarniarnera pillugu – minnerunngitsumik naalaganngorniaqarfiup pilerseqqinniarneranut? Minngerunngitsumillu: Oqallinnermi sooq inuusuttut eqqartorneqanngillat – taakkuuppummi ullumikkut arlaatigut peqquteqarlutik ilinniagassaminnik aallartitsisimanngitsut, taamaattorli imarsiornikkut ilinniarnissaminnik kissaateqartut, taamaalillutik nunarsuarmi tamarmi ilinniarnerminnik atuisinnaasuusussat?

Ilaatigut erseqqissaatigaa, Nuummi Ilinniartitsisunik ilinniakkanik arlalinnik ilinniartitsisinnaasunik atorluaasoqassasoq. Taamatuttaaq ilinniartunik ilinniartitsisunillu ataatsimut pissarsiniartoqartassasoq. Ole Dorph nangilluni erseqqissaavoq, ataatsimut allaffeqatigiittoqassasoq nukittunerusumik nukinnillu atuiffiunnginnerusumik. Tamanna imarsiornermi ilinniakkat ataatsimut nittarsaattarnissaannik pitsaanerusumik kinguneqassaaq sungiusaatigalugulu suliffissat pitsaanerusumik ataqatigiissarnissaarneqartassallutik.

- Nuullu pissusissamisoortunik nukittuffeqarmat soorlu ukunuunatigut: Ilinniartitaanermi avatangiisit – Nuummi ilinniartitaanermut avatangiisit pitsasuullutillu allanngorartuupput, taamaalillunilu imarsiornermik ilinniartut periarfissaqalissapput ilinniarnerminni uummarissarneqarnissaminnik kiisalu ilinniartut allat peqatigalugit inooqataanissaminnut. Aammali ilinniartut ilinniarfeqarfinni uniinnartarnerisa pinaveersimatinnissaanut suliniarnissamut peqataatinneqassaaq, Ole Dorph allappoq, isumaqarnerarlunilu Paamiuniit Nuummut nuussinikkut ilinniartunut iluaqutissat amerlanerussasut.

- Tapertaralugu ilinniarneq – ilinniartut periarfissaqalissapput tapertaralugu fagini arlaqartuni pingaarutilinnut nalunaarsinnaanissaminnut, soorlu assersuutigalugu qarasaasiakkut annertunerusumik piginnaaneqarnissamik atorfissaqartitsinissaminnut. Sulisussarsiorneq – sulisussarsiornissamut (ilinniartitsisut il.il.) periarfissagissaarnerulissaaq, Ilanngullugulu periarfissaqarnerulissaaq
ilinniartitsisut modulinut aalajangersimasunut ilinniartitsisinnaasut pissarsiarinissaat, Ole Dorph oqarpoq.

Læs også: Nyt center for maritime uddannelser i Nuuk

Læs også: Demonstration af skoleflytning

Læs også: Erhvervsråd: Et stort tab for Paamiut

Tamatuma saniatigut Ole Dorph isumaqarpoq, Imarsiornikkut avatangiisit Nuuk imarsiornikkut avatangiisinut angerlarsimaffiuvoq, tassami umiarsuaatileqatigiit, Arktisk Kommando kiisalu Søfartsstyrelsen tassani angerlarsimaffeqarmata.

- Siulersuisut suliassaraat nakkutigissallugit, ilinniartitaanerup, inuussutissarsiornerup aammalu ilinniartut soqutigisaat isumagissallugit, angerlarsimaffiup soqutigisai pinnagit. Taamatullu katiterineq pinngitsoorani malugineqartussaavoq. Taamaattumillu siulersuisuni ilaasortat maannamut ilinniartut ilinniartitsisullu ernummagisaat naapinniassallugit annertuumik suliaqarniarpoq, namminnermimmi ilinniarfitsik/suliffeqarfitsik Nuummut nuunniarneqarmat, Ole Dorph oqarpoq.