Skip to main content

Paamiuni: Ilinniarfiup matunissaanut akerliussutsimik takutitsineq

Imarsiornermik Ilinniarfiup Nuummut nuunneqarnissaanik aalajangerneq Siumut Paamiut ima naammaginngitsigaa, ullumi illoqarfimmi akerliussutsimik takutitsisoqassalluni 

Imarsiornermik ilinniagaqarfiit Nuummut katersornissaannik - taamalu Paamiuni Imarsiornermik Ilinniarfiup matunissaanik - Naalakkersuisut aalajangernerannik naammaginninnginnerminnik takutitsinissaminnut Paamiormiut ullumi, sisamanngornermi, periarfissaqarput.

 

Tamanna pissaaq akerliussutsimik takutitsinermi, Siumut Paamiut aaqqissuussaani, taannalu aallartissaaq nalunaaqutaq 13 Piareersarfiup Brugsenillu eqqaanit.

Siumut Paamiut isumaqarpoq Imarsiornermik Ilinniarfik Nuummut nuunnagu ineriartortinnissaa sulissutigineqartariaqartoq.

Atuaruk "Inuussutissarsiornermik siunnersuisoqatigiit: Paamiunut annaasaq annertooq"

Atuaruk "IA nuussinissaq pillugu: Paamiunik asissuineq"

Atuaruk "Nuummi imarsiornermik ilinniarfinnut centeri nutaaq"

- Neriuppunga innuttaasut untritillit marlussuit takkutissasut, anorlernera issinneralu pissutigalugit sila pitsaanerpaajunngikkaluartoq, Siumut Paamiuni ilaasortaq John Barlaj oqaluttuarpoq.

- Isumaqarpit akerliussutsimik takutitsinersi kinguneqassasoq?

- Annertuumik kinguneqassasoq naatsorsuutiginngilarput, tassa ilinniarfiup nuunnissaa Naalakkersuisut aalajangiutereermassuk. Akerlianik akerliussutsimik takutitsineq uagutsinnut innuttaasunut periarfissaalluarpoq naammaginninnginnitsinnik takutitsinissatsinnut, Johan Barlaj Sermitsiaq.AG-mut oqarpoq.

Taanna oqaluttuarpoq Imarsiornermik Ilinniarfiup illoqarfimmit nuunnissaanut akerliulluni sapaatip akunnerata naanerani atsiornernik katersuisoqarsimasoq. Siumut Paamiullu atsiornerit 500-t missarpiaat pissarsiarisimagai, taakkualu ilaatigut Siumut tunuliaqutaralugu Inatsisartunut ilaasortamut Kim Kielsenimut ullumi tunniunneqassasut.

 

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER