Skip to main content

Air Greenlandip Iqalunnut timmisartuussinini siammarpai

Nunatsinni timmisartuutileqatigiiffiup Iqalunnut timmisartuussisarnini sapaatip-akunnerinik tallimanik sivitsorpaa. Allaat billitsit ilaat akikinnerulerput 

Siorna Air Greenlandimit ammarneqarpoq Nuuk aamma Canadami Iqaluit akornanni timmisartuussineq.

Timmisartuussineq juunip 15-iannit septembarip pingajuannut sapaatip-akunneranut marloriarluni Dash-8 atorlugu ingerlanneqarluni. 

Aqqut niuertut ingerlavissaattut naatsorsuunneqartoq tupaallaataasumilli takornariarpassuarnit aqqut atorumaneqarpoq.

Tamannarpiaq pissutigalugu Air Greenland naliliivoq timmisartuussinerup tallineqarnissaa periarfissaasoq.

- Nalilerparput sapaatip-akunnerini tallimani sivitsuinissaq periarfissaassasoq, Air Greenlandimi attaveqaqatigiinnermut pisortaq, Pia Christensen Bang oqarpoq.

Ukioq manna timmisartuussinerit sapaatip-akunnerini 16-ini ingerlanneqassaaq siorna sap.ak. aqqanillit.

 

Akikinnerit
- Aqqut juunip qulinganni septembarip 30-ata tungaanut ammassaaq, siorna pissuseq naapertorlugu Air Greenlandip sap. ak. marloriarluni timmisartuussinerit neqeroorutigai, ataasinngornerni tallimanngornernilu, Pia Christensen Bang nassuiaavoq, taanna aamma oqarpoq siornamut naleqqiullugit billitsit akii appasinnerussasut.

- Kisianni eqqaasariaqarpoq billitsit akikitsut killeqarmata maannamulli timmisartuussinissani tamangajanni nassaassaallutik, aamma akit siorna akigititanut naleqqiullugit appasinnerupput, taanna Sermitsiaq.AG.'mut oqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER