Skip to main content

Nuuk Skynet: Telep unammillernissaa ajornarpoq

Nuuk Skynetimut ajortumik kinguneqassaaq, maanna Tele Greenlandimit saqqummiunneqarmat ingerlatsiviup internettimik atuisumi ilaannut akiliutigisartakkat taamaatiinnarlugit internettimik atuisinnaanerat allisinneqarmat 

Tele Greenlandimi bredbåndimik atuisut ilaasa februaarip aallaqqaataanit akiliutertik allanngortinngikkaluarlugu annermik internettersinnaalernerannik saqqummiussinermut atatillugu, Sermitsiaq.AGp Peter Engsig-Karup Nuuk Skynetimi pisortaaneq oqaaseqartinniarsaraa, taassuma piffissaq sivisooq atorlugu Telemik unammillerniaraluarpoq. Manna tikillugu iluatsitsigani.

- Soorlu siornatigut oqaatigisareeriga inatsimmi erseqqippoq, oqaloqatiginninnermut aki immikkoortitsisussaanngilaq, tamanna isumaqarpoq tunisassiornermi akit atuuttut tunngavigineqassasut. Tele Greenlandilli iluani akit appasinnerit atorlugit naatsorsueriaaseqarpoq, Tele Greenlandip nammineq tunisassiornermimi akit Skynetimit akilerneqartussatut piumasarisaannit allaanerullutik, Peter Engsig-Karup oqarpoq. 

- Oqarasuartarnermik Nakkutilliisoqarfiup nakkutigisassaraa Tele Greenlandip unammillertiminut immap naqqani attaveqaammik atuineranni pissusissaq naapertorlugu ingerlanerat. Oqarasuartarnermik nakkutilliisoqarfik taamaaliunngilaq. Taamaattumik peqquserluttuliornikkut Skynet neqerooruteqarfiit akornanniissinnaanngilaq, Peter Engsig-Karip Sermitsiaq.AG.'mut oqarpoq.

 

Aatsaat taamak Nuuk Skynet-imut ajornartigilerpoq

- Telep allanngortitsineri tuniniaavimmi Nuuk Skynet-ip unammillersinnaassusaanut sunniuteqassappat?   

- Aap, sunniuteqarnerlussaaq aamma Skynetip internettimik neqerooruteqarnissaa ajornarsilluinnassaaq Tele Greenlandip immap naqqatigut attaveqaammik atuinermut akissatut piumasarisai aallaavigalugit, Peter Engsig-Karup oqarpoq, iunnersuullugu aalajangiinissamik suliaq Nuuk Skynet aamma Oqarasuartarnermik nakkutilliisoqarfiup  akornanni ingerlasoq sulili aalajangiiffigineqarsimanngitsoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER