Skip to main content

WWF nannut ukiuannik malunnartitsiniartoq

WWF-ip nunarsuarmi pinngortitamik avatangiisinillu illersuiniaqatigiit siuttuisa ilaattut inissisimanini tunngavigalugu 2013 'nannut ukiuattut' suaarutigaa

- Ukioq 2013 nannunut aalajangiisuuvoq, WWF Verdensnaturfondenimut allattuuneq Gitte Seeberg oqarpoq.

- Nannullu uumaffigisaallu issittoq siunissamik unammilligassaasumik naapitaqariartortillugit angusimasatsinnik nersualaarinissarput nalliuttorsiutiginninnissarpullu eqqaamassarput, nangilluni oqarpoq.

Nunarsuarmioqatigiit peqatigiillutik nannumik uumaffigisaannillu illersuiniarnerminni nannut nungutsaaliorneqarnissaannik 1973-imi isumaqatigiissuteqarnerannit ukioq manna ukiut 40-nngorput. Isumaqatigiissut taanna nunanilu tallimani Canadami, Norgemi, Ruslandimi, USA-mi kiisalu Kalaallit Nunaanni/Danmarkimi nannut uumaffigisaanni suliniuteqarneq ilanngullugu nannut ullumikkut amerlangaatsiarlutik Issittup ilarujussuani uumanerat qulakkeerinneqataasimapput.

Nannut tamatuma peqatigisaanik siunissamut nalorninartumut ikaarsaarfimmiipput. Issittoq kiatsikkiartupiloorpoq ukiunilu aggersuni immap sikua nannut isumalluutigisorujussuusaat qularnanngitsumik annikilleriarujussuassaaq.

Taamaattumik nunani tallimani nannut uumaffigisaanni unammilligassanut piareersarnissamut piffissanngorpoq, Gitte Seeberg oqarpoq:

- Nunat taakkua tallimat ukiuni qaangiuttuni 40-ni angusarissaarsimanerup pilerseqqinnissaanut 2013-imi periarfissaqarput. Nannut uumaffigisaannik illersuinissamik sorsuutiginninnikkut, silap pissusaata allanngoriartorneranik pimoorussinikkut, nannunniarnerup killilersorneratigut nannullu ilisimatusarfigineqarnerannik aningaasalersuinikkut nanoqassutsip ukiuni tulliuttuni 40-ni tamatumalu kingorna piffissami peqqissuujuarnissaa qulakkeersinnaavaat, Gitte Seeberg oqarpoq.

Issittumi nannut ilisimatusarfigineqarnissaannik suliniutinut WWF ukioq manna ukiup ingerlanerani tapiissuteqarniarpoq nunallu nanoqarfiusut tallimat ukiaru aalajangiisuusumik ataatsimeeqatigiilerpata piujuartitsinissamut pisussaaffinnik aalajangersimalluinnartunik pilersitsinissamut kaammattuuteqarniarluni.

WWF nannup uumaffiinik pingaaruteqarluinnartunik ingerlaarfiit piaqqiorfiillu ilanngullugit illersuiniarluni suliniuteqarpoq. Tamatuma peqatigisaanik suliffissuaqarnermit, uuliasiornermit gassisiornermillu kiisalu umiarsuaqarnermit nannunut akornutaasumik uippakajaarnartut killilersimaarnissaannik WWF suliniuteqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER