Skip to main content

Ilinniakkat ataatsimoortinneqarnissaat GA-mit taperserneqarpoq

Imarsiornermik ilinniarfiit Nuummut katersorneqarnissaannik aalajangerneq Sulisitsisut Peqatigiiffiannit isumaqatigineqarpoq

Imarsiormik ilinniakkat Nuummut katersorneqarnissaannik aalajangerneq sakkortuumik isornartorsiorneqaraluartoq Sulisitsisut Peqatigiiffiat GA aalajangernermut isumaqataavoq.

- Nunatsinni ilinniagaqarnissamut periarfissarissaarnerulernissaq ilinniakkamillu kipititsiinnartarunnaarnissaq qanoq pingaartitsigalutigit oqartaannarpugut, GA-p allattoqarfiani pisortaq Karsten Klausen oqarpoq erseqqissaallunilu oqaatigalugu ilinniakkat assigiissuteqartut kattullugit imarsiornermi qitiusumik ilinniarfinngorlugu Nuummut nuunneqarnissaanut tamanna tunngavilersuutinut ilaasoq.

- Taamaaliornikkut ilinniartitaanermi nukissat pigisavut pitsaanerusumik atorsinnaalissavavut, ilinniartitaanerit akimorlugit ataatsimut ilinniartitsisoqarnikkut, pitsaanerusumik ilinniartunik ilitsersuinikkut allaffissornikkullu pisinnaasanik atorluaanikkut.

Læs "Erhvervsråd: Et stort tab for Paamiut"

Læs "IA om flytning: En hån for Paamiut"

Læs "Nyt center for maritime uddannelser i Nuuk"

Ilinniartitsisunik ilinniartunillu pissarsiniarneq ajornannginneq
- Aalajangernermut tunngavippiaapput ilinniarnerminnik taamaatitsiinartartut amerlavallaarnerat, iliniakkanut tunngatillugu naammattunik attavissaqartannginneq aamma imarsiornermik inuussutissarsiuteqartunit pikkorissarnissanut ujartorneqartartunut neqeroorutaasartut annikippallaarnerat, Karsten Klausen oqarpoq.

GA naapertorlugu ajornartorsiutit tamakku kingunerisaannik imarsiornerup iluani piginnaasaqarluartunik sulisoqarnissamik aalisariutaatillit umiarsuillu atorlugit assartuisartut kissaataat  naammassineqarsinnaasanngillat.

Karsten Klausen oqarpoq, Nuummi qitiusumik ilinniarfeqalerpat piukkunnartunik ilinniartoqartalersinnaanissaq ajornannginnerulissaaq, ilinniarluarsimasunik ilinniartitsisoqarniartarneq ajornannginnerulissaaq, taamaalillunilu ilinniartitsineq pitsanngoriaateqassalluni. Ilaatigut suliassaqarfiit ataasiakkaat iluini ataqatigiissitsinikkut ilinniartut pitsaanerusumik sullinneqarnissaat qulakkeerneqassaaq.

GA naapertorlugu pissutsit taama inerneqarlutik ingerlasimanerat umiarsuaatilinnit Nuummiittunit amerlanernit aammalu Kangilinnguani Sakkutooqarfimmit, maanna illoqarfiit pingaarnersaannut nuussimalersumit, tapersersorneqarpoq.

- Imarsiornermik Ilinniarfiup Paamiunit aammalu Aalisarnermut Piniarnermullu Ilinniarfiup Uummannamit nuunneqarsimanera, taamaalillunilu aamma suliffiit pingaarutillit matuneqarsimaneri soorunami Sulisitsisut ajuusaarnartippaat. Taakkununngali taarsiullugu Naalakkersuisut aalajangerput pikkorissartitsisarfik Uummannami pilersinneqassasoq kiisalu ineriartornermikkut ajornartorsiuteqartunut sullissivimmik Paamiuni pilersitsisoqassasoq, Karsten Klausen erseqqissaavoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER