Skip to main content

IA ilinniarfiup nuunneqarnissaanut: Ileqqussaq naapertorlugu ingerlatsisoqanngilaq

Inatsisartunut ilaasortap, Aqqaluaq B. Egede, Inuit Ataqatigiit, Paamiunit Imarsiornermik Ilinniarfiup Nuummut nuunneqarnissaa pillugu paasissutissinneqarumavoq

Paamiuni Imarsiornermik Ilinniarfiup illoqarfimmut allamut nuunneqarnissaa pillugu aalajangiineq ulluni kingullerni tusagassiorfitsigut sammineqarpoq. Tusagassiorfitsigut oqaatigineqartut malillugit Imarsiornermi Ilinniarfiup pisortaata tupigusuutigaa Imarsiornermik Ilinniarfiup illoqarfimmut allamut nuunneqarnissaa pillugu Naalakkersuisut aalajangiussisimanerat ilisimanagu oqaaseqarmat.

Pissutsit tamakku Aqqaluaq B. Egedep, Inatsisartunut ilaasortaq, IA, maanna paragraf 37 aqqutigalugu paasisaqarfiginerorusuppai.

- Tamanna pissusissamisut ingerlatsisoqarsimannginneranik ersiutaasoq aalassassutaammat paasinarpoq. Nunatsinni illoqarfiit angisoorsuunngitsut ilinniarfeqarnikkut inuussutissarsiorfitsigullu malunnaatilimmik allannguiffigineqartussatut siunnerfigineqartut allannguiffigineqassappata isumaqarpunga susassaqartut peqatigalugit suliaq ingerlanneqarsimasariaqaraluartoq, nangillunilu:

Eqqorneqartut tamarmik ilanngunneqartariaqarsimagaluarput
- Nunatsinni inuiaat siammasissumik nunaqariuseqartut nukimmik siammasissumik siammaavigineqarnissaat pisariaqarpoq. Paamiunili Imarsiornermik Ilinniarfik eqqarsaatigalugu, ilinniartoqassutsikkut ajornartorsiut pissutigalugu Imarsiornermik Ilinniarfiup nuunneqarnissaa pissappat nuussiniarneq Paamiuni susassaqartut peqatigalugit suliarineqarsimanissaa minnerpaamik pisimasariaqaraluarpoq. 

Sapaatip-akunnerata siuliani Naalakkersuisut nalunaarutigaat Paamiuni Imarsiornermik Ilinniarfik Nuummut nuunneqartussanngortoq tamaani imarsiornermut qitiusoqarfimmik aallartitsisoqarnissaa aallaavigalugu. Aqqaluaq B. Egedep, IA, paaserusuppaa Kommuneqarfik Sermersooq Paamiuni Imarsiornermik Ilinniarfiup Nuummut nuunneqarnissaanut aalajangiinermik ilaatinneqarsimanersoq, aamma Naalakkersuisut qanoq isillutik qulakkiissavaat ukiorpassuarni Paamiuni Imarsiornermik Ilinniarfimmik ingerlatsinermit misilittakkat ineriartortitsisimanerlu qanoq qulakkeerniarneqarnersut.  

 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER