Meeqqat inatsisitigut isumannaallisaaffigineqarnerat annertusineqarpoq

Inatsisissatut siunnersuut nutaaq Meeqqanut inuusuttuaqqanullu ikiorsiissutaasussaq inatsisissatut siunnersuut tusarniaassutigineqarnera ullumimut killeqarpoq. Inatsimmut siunnersuummi meeqqat inatsisitigut isumannaallisaaffigineqarnerata anguniarneqarpoq. Meeqqat Illersuisuata nuannaarutigaa

Børnetalsmanden glæder sig over, at de udsatte børn nu ser ud til at få forbedret ikke mindst deres retssikkerhed men også deres fremtidsmuligheder samt at der nu skal ske en forbedret helhedsorienteret indsats i kommunerne. Foto: Leiff Josefsen

Meeqqat Illersuisuata Aaja Chemnitz Larsen-ip, inatsisissamut siunersuummi Meeqqat pisinnaatitaaffii pillugit aalajangersakkat meeqqat inuusuttullu ikiorneqarnerannut inatsisitigut annertuumik ilanngunneqarnerat immikkut nuannaarutigaa.

- Inatsisissamut siunnersuummi pinasuartumik suliniuteqarnissamut periarfissat annertusinerisigut, aamma suliat akimorlugit suleqatigiissinnaanermut annertunerusumik periarfissaqalernikkut, pisortat suliffeqarfiillu meeqqanut inuusuttunullu navianartumiittut pitsaanerpaamik periarfissanik pilersitsinissamut suliat akimorlugit suleqatigiinnissamut periarfissaat annertusinerat pitsaalluinnartuuvoq, Meeqqat illersuisuat Aaja Chemnitz Larsen oqarpoq.

MIO’p inatsisissami siunnersuummut nammineq siunnersuutigisimasami nassaareqqinneri nuannaarutigai, taassuma ataani meeqqat illersuiseqarsinnaanerannut aaqqissuussineq, taassuma meeqqat kommunimik naapitsinerminni ilisimasatigut piginnaasumik ilaqarsinnaanerat eqqanaarpaa. Saniatigut aamma Inatsisissami siunnersuummi §40 pisortanut, suliffeqarfinnut ilisimasalinnullu attuumassuteqartunut inissiineq pillugu paasissutissiinissamut periarfissaq. Tamanna Meeqqat illersuisuata siusinnerusukkut ujartornikuuaa, tassa tamatuma meeraq pillugu suliallit kingorna meeqqamik sullissinerminni eqqortunik paasissutissinneqarnissaat eqqanaarsinnaammagu.

Aamma inuusuttunut, ataavartumik pinerlunniartartunut eqqanaakkanik immikkoortortanik pilersitsinissaq Meeqqat Illersuisuiata nuannaarutigaa. Ukiaq manna inuusuttut Nuummi isertitsivimi inissinneqarsimasut pillugit suliarpassuit kingorna immikkoortut eqqanaakkat aamma perorsaanikkut aammalu innuttaasunut ilaalerseqqinnissaannut neqerooruteqarfiusut ujartorsimavai. Maanna piviusunngortinneqarsinnaasutut isikkoqalerpoq.

- Inatsisissamut siunnersuut suliniutinik pitsaasunik arlalinnik imaqarpoq, kisianni inatsisissamut siunnersuummik allanneq aalajangiinerlu allaapput, eqqunneqarnissaalli allaalluinnarpoq. Suliap ingerlanneqarniissaanut assannik piginnaanilinnillu amigaateqarnera misilittagaqarfigaara, pingaartumik Inunnik isumaginnittoqarfimmi, taannami tassaavoq ulluinnarni inatsisip piviusunik iliuuseqarnissamik eqqanaarinnittussaq, nangipporlu, Sulisut annertuumik tunniusimasuunerat suliaminnullu piginnaaneqarnerat, kisiannili aamma peqatigitillugu nunap ilaani piffiit ilaanni sulisussanik eqqortunik pissarsiniarneq qanoq ajornakusoortigisinnaasoq misigisimavakka. Tamanna annertuumik ernumanartutut isigaara.

- Ernumanartoq alla tassaavoq kommunit Naalakkersuisullu siunnersuutip piviusunngortinnissaanut iliuuseqarnissamut periarfissat pisariaqartut ingerlassinnaaneraat, assersuutigalugu Suliniummut Siusinaarluni iliuuseqarnermut pingaaruteqaqisumut atatillugu. Piffinni tamani ikiuinissamut aaqqissuussinerit siunnersuutigineqartut neqeroorutigineqarsinnaanngillat. Inatsisip atuutitinneqalinnginnerani ajornartorsiummut tamatumunnga isummernissaq pingaaruteqarpoq.

Powered by Labrador CMS