Skip to main content

Royal Greenlandimut ukioq aatsaat taama angusarissaarfiutigisoq

Akileraarutit ilanngaatigereerlugit angusat ukiup siulianit 72 procentimik pitsaanerupput, ukiumullu naatsorsuutigisanit pitsaanerujussuullutik. Ingerlatsivik aatsaat taama angusarissaartigaaq 

- Royal Greenlandimi ineriartorneq nuannaarutigisorujussuuvarput. Royal Greenland ingerlatsiviuvoq peqqissoq nukittoorliu, sulisutta pikkorissut suliaat annertuut pissutigalugit. Soorunami ilanngullugu tuniniaanermik sulinitsinni kalaallinut nioqqutissaatitsinnut tuniniaaviup ineriartornera pitsaasoq tamakkiisumik pissarsiffigisinnaasimagatsigu. Tunisassiatsinnik tuniniaaviit pitsaasuusimapput periarfissallu takusinnaasimasavut atorluarsinnaasimavagut, Royal Greenlandip pisortaanera Mikael Thinghuus oqarpoq.

Taamatut oqarpoq Royal Greenlandip naatsorsuutaasa tamanut saqqummiunneqarnerannut atatillugu, selskabilu oqaluttuarisaanermini aatsaat taama angusarissaartigaaq.

Akileraarutit ilanngaatigereerlugit angusat 136 millioner koruuniupput, kaaviiaartitallu 5 procentimik amerleriarsimapput. Akileraarutit ilanngaatiginagit angusat 180 millioner koruuniupput, siorna 131 millioner koruuniusimallutik.

- Angusat atorniarpavut Royal Greenlandip ineriartorteqqinneranut tunngavissatut. Qullersani siulersuisunilu aasap tungaanut periusissamik suliaqassaagut, tamatumani siunertaq pingaarnerpaaq tassaassalluni qulakkiissallugu Royal Greenlandip siuariartuinnarnissaanut periarfissanik pilersitsinissaq, tamannalu peqatigalugu piginnittuanut, Namminersorlutik Oqartussanut, ulorianartorsiornera suli annikilleriassalluni. Nunap pinngortitami pisuussutai uumassusillit nalingat tamakkiisumik pissarsissutaassappata nunani tamalaani tuniniaavinni pingaarutilinni tamani tuniniaanermik sulineq pitsaalluinnartariaqarpoq. Kalaallit inuiaqatigiit tamarmik piattut Royal Greenland pissusissamisoortumik siuttuuvoq, qulakkeerniarlugu nunap pisuussutaanik uumassusilinnik inuiaqatigiit annertunerpaamik isertitaqarnissaat, Mikael Thinghuus oqarpoq.

Tamatuma saniatigut ukiumi angusanit 3,6 millioner koruunit iluanaarutisiaritinneqarput, akiitsullu 174 millioner koruuninik ikilisinneqarput.

 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER