Skip to main content

Soraarnerussutisianik aningaasaateqarfik uranimut aningaasaliivoq

HK-mi ilaasortat soraarnerussutisiassaat Sampension-ip GME-mi aningaasaliissutigai 

Qallunaat soraarnerussutisianik aningaasaateqarfiat Sampension - taassuminnga atuisut 80-90 procentii HK Stat-imi aamma HK Kommunal-imi sulisuullutik - Greenland Minerand and Energy-mi, GME, piginneqatigiissutinik pisivoq.

Taamatut allappoq Weekendavisen, taassumalu Sampension-ip pisortaanut akisussaasumut paasiniarsimagaluarpaa piginneqatigiissutit qanoq annertutiginersut, kinguneqanngitsumilli.

Paasissutissiinermut pisortap Jens Nüchel-ip paasissutissiissutigaa Sampension piginneqatigiissutinik pulje-ngorlugit pisisimasoq, taamaattumik "annertunerusumik annikinnerusumilluunniit nalaatsorsinnaavoq" selskabi - pisuussutinik 190 milliarder koruuninik paarisalik - piginneqatigiissutinik sunik pisisimanersoq. Sampension-ili ileqqorissaarnissamut qaffasissunik malittarisassaqarpoq, Nüchel oqarpoq.

Aamma atuaruk: Olsvig: GME oqaaseqaammigut uukapaatitsivoq

Aamma atuaruk: - Uranimik tunisassiornissamut akuerineqassaagut

- Piiaaffimmik illersorsinnaasumik ingerlatsisoqarsinnaappat, tamannalu Kalaallit Nunaanni, politikkikkut ajunngitsumik atugaqarfimmi, neriuutigineqarsinnaavoq, taava soorunami pissanganassaaq. Nunarsuarmili misilittakkat allat pissutigalugit qanoq pisoqarnera immikkut nakkutigisariaqarpoq. Ileqqorissutsikkut illersorneqarsinnaanngippat Sampension peqataassanngilaq, Jens Nüchel oqarpoq.

Soraarnerussutisianik aningaasaateqarfiup ileqqorissutsimut malittarisassaani allassimavoq selskabi sakkunut aningaasaliissuteqassanngitsoq, uranimulli aningaasaliinissaq inerteqqutaanngilaq, taanna oqarpoq.

Allaaserisaq tamaat Weekendavisenimi atuarsinnaavat.

 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER