Skip to main content

Tamangajammik KNR-mi malinnaasarput

Attuumassuteqanngitsut KNR-mik misissuinerat saqqummiunneqaqqammersoq malillugu kalaallit quliugaangata qulingiluat KNR-p tv-kut radio-kullu aallakaatitaanik malinnaasarput 

Nunatta tv-qarfiata radioqarfiatalu attuumassuteqanngitsunit misissuiffigineqarnera, siorna oktobarimi aallartinneqarsimasoq, Naalakkersuisut saqqummiuteqqammerpaat. Misissuinikkut, Epinion-imit ingerlanneqartukkut, ilaatigut qulaajarneqartussaasimavoq nunatta tv-qarfiata radio-qarfiatalu aningaasaqarnera sooq taama ajortigisoq.

Misissuinermut atatillugu aamma naalaartartunik isiginnaartartunillu misissuisoqarpoq, nunami tamarmi inuit nalaatsornerinnakkut toqqarneqartut aperineqarlutik tusagassiorfik suna atortarneraat aamma KNR-p aallakaatittagai naammagisimaarneraat.

Quliugaangata qulingiluat KNR isiginnaartarpaat

Misissuinerup inernerata takutippaa kalaallit quliugaangata qulingiluat KNR-p nutaarsiassaatai ullut tamaasa tamangajaasaluunniit isiginnaarlutillu naalaartaraat.

- Kisitsisit takutippaat KNR Kalaallit Nunaannut qanoq pingaaruteqartigisoq qanorlu atorneqartiginersugut. Inuit isiginnaarlutalu naalaartarpaatigut, amerlanerpaallu isumaqarput suliavut pikkoriffigigivut. Tamanna tulluusimaarutigisorujussuuvarput nuannaarutigeqalugulu. Tamassuma takutilluinnarpaa KNR-p tamanut siammarsaasutut kalaallinut innuttaasunut pisussaaffini naammassigaa, KNR-mi nutaarsiassaqartitsinermi pisortaq Mikkel Bjarnø oqarpoq.

KNR pingaaruteqarpoq

Naalaartartunik isiginnaartartunillu misissuinerup aamma takutippaa KNR kulturimut inuiaqatigiinnullu atatillugu aamma pingaaruteqartoq. Tamatumani KNR tusagassiorfiuvoq kalaallinik katersortitsisoq, isiginnaartartullu naalaartartullu 90 procentii sinnerlugit isumaqarput KNR pingaaruteqartuusoq, nunami maani kulturimut inuiaqatigiinnullu ilisimasanut atatillugu.

- Kisitsisut takutippaat KNR paasissutissiiffittut pingaaruteqartoq. Tamanna pisussaatitsivoq. Suilassarlu tamanna ullut tamarluinnaasa pimooruttartorujussuuvarput. Ineriartortuassaagut pitsanngorsartuassallutalu, kalaallit innuttaasut pitsaanerpaamik paasissutissikkumallugit. Tamanna annertuunik piumasaqartitsivoq, piareersimavugulli KNR atorfissaqartinneqaqimmat, Kalaallit Nunaat demokratiitut peqqinnartutut ineriartussappat, Mikkel Bjarnø Lund oqarpoq.

 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER