Skip to main content

Aatsitassarsiortunik kiffartuussinermi

Qallunaat suliffeqarfiutaat Kalaallit Nunaanni aatsitassanik soqutiginnikkiartulerput. Aatsitassarsiorneq pillugu ataatsimiititsineq iluatsilluarpoq suliffeqarfiit sinniisaat eqqarsaatigissagaanni

Aatsitassarsiornermi aningaasarpassuaqarpoq. Nunanit tamalaanit uuliamik aatsitassarsiornermillu ingerlatsisunut taamaallaat atuunnani. Aammali ingerlatsiviit minnerit kiffartuussinermik nalinginnaasumik ingerlatsisinnaasut iluanaarutissaqaqaat.

Taamak isumaqarpoq Kalaallit Nunaanni Sulisitsisut peqatigiiffiata GAp pisortaa isumaqarpoq.

- GA-mit qallunaat inuussutissarsiortut tinnersarneqarput ingerlatsiviit Kalaallit Nunaanni aatsitassarsiornermut soqutiginnilersinniarlugit, Brian Buus Pedersen Sermitsiaq.AG.'mut oqarpoq.

GA: Periarfissatsialavik
- Uagut tupigusuutigisimavarput qallunaat suliffeqarfiutaat amerlanerit siusinnerusukkullu soqutiginnilersimannginnerat. Pingaartumik kalaallit qallunaallu suliffeqarfiutaasa ukiorpassuarni suleqatigiissimanerat eqqarsaatigissagaanni.

- Qallunaat suliffeqarfiutaanni Kalaallit Nunaanni aatsitassarsiornermi peqataanissaq periarfissatsialaavoq, Brian Buus Pedersen oqarpoq.

Taamaattumik Dansk Industri aamma GA marlunngornermi Københavnimi seminareqartitsipput annermik qallunaat suliffeqarfiutaannut pilersuinissamik periarfissanik erseqqissaaviulluni.

Seminari tupaallaataasumik iluatsilluarpoq. Qallunaat suliffeqarfiutaat taamatullu kalaallit ingerlatsiviutaat amerlasoorsuit peqataanissaq nalunaarutigisimavaat taamaattumillu Dansk Industrip aamma GA'p peqataaniaraluit allat juulli sioqqulluguli mattussimallugit.

 

Qallunaat suliffeqarfiutaat eqiileqaat 
Qallunaat suliffeqarfiutaat manna tikillugu Kalaallit Nunaanni aatsitassarsiornermut qanillattorsimanngitsut soqutiginnipput. Nunanit tamalaanit uuliamik aatsitassarsiornermillu ingerlatsisut piumasarikkajuppaat akuerisaasimaneq qallunaat suliffeqarfiutaasa tunniussinnaanngisaat. Kisianni kiffartuussinerit nalinginnaasut nunat tamalaat akornanni immikkut akuersissutinik piumasaqaatitaqanngitsut qallunaat suliffeqarfiutaasa suliarisinnaalluarlugit, Arctic Business Networkimi siulersuisut siulittaasuat, Poul Hededal, oqarpoq taanna seminareqarnerup nalaani saqqummiussaqarpoq. 

- Kiffartuussineq nalinginnaasoq isiginiarsaraarput assersuutigalugu eqqiaaneq inuussutisserinerlu immikkut akuersissutinik annertuunik peqanngikkaluarluta tunniussinnaavarput. Tamakku atorfissaqartinneqassapput, Poul Hededal oqarpoq.

- Qallunaat suliffeqarfiutaat qunullersimarpasipput nunanit tamalaanit ingerlatsiviit nalinginnaasumik nunani tamalaani piumasaqaateqartarnerat pissutigalugu. Kisianni tassa kiffartuussinernik nalinginnaasunik tunniussisoqarsinnaasoq, Poul Hededal isumaqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER