Skip to main content

Arfiviit erinnisaaqatigiissallutik naapeqatigiipput

Ilisimatusarnermit paasineqarpoq arfiviit Qeqertarsuup Tunua attaveqatigiinissaminnut iluarigaat. Ukiukkut sumiiffimmi umiarsuarnit nipiliornerit peeruttarmata 

Internettikkut saqqummersinneqartartoq PloS ONE 2012-imi decembari naajartortoq saqqummerpoq Kalaallit Nunaannit allaaserisaqarluni. Allaaserisami eqqartorneqarpoq arfiviit nipaannik misissuinerit, allat nipiliornerat, nipitussutsit nipillu siammarneri. Kalaallit Nunaata kitaani Qeqertarsuup tunuani arfiviit ukiiffigisartagaanit upernaarsiorfigisartagaannilu nipit immiunneqarput, Qeqertarsuup kujammut isuata eqqaani arfiviit qaammatini pingasuni sisamaniluunniit erinarsoqatigiittarput juunimi qimagunnissamik tunngaanut.

Arfiviit erinarsornerat sakkukitsumik sakkortuumilluunniit maligaasiorsinnaapput 20 aamma 4000 Hz tikillugu nipitussuseqartarlutik. Arfiviit nipiliorneranni akulikitsunik maligaasiorneq uumasumut taamak angitigisumut tupinnartuuvoq ilami nalinginnaasumik uumasut angisuut akulikitsunik maligaasiortunik nipiliorsinnaasanngikkaluarmata. Immiussiffiit nipinik amerlasuunik tigusisinnaasut atorlugit arfiviit erinarsornerannik immiussani nipit assigiinngitsorpassuit taamallu paasissutissarpassuarnik imallit pissarsiarineqarput. Akulikitsumik maligaasiortitsillutik arfiviit nipilioraangamik sukkasoorujussuarmik nukissaaruttarput taamaattumik taamaattumik nipit maligaasakinnerit qanittumiittunut taamaallaat attaveqaatigisinnaallugit  

Ungasissorsuunngitsukkut misissuinernit inernerit saqqummiunneqarput, taakkunannga erserpoq allat nipiliornerat sakkukitsunnguusartoq pinngortitameersuinnangajaallunilu. Qeqertarsuup tunuani ukiukkut upernalerneranilu umiarsuarnit nipiliortoqanngingajattarpoq. Arfiviit akulikitsumik maligaasiortitsillutik nipiliornerat 130 km tikillugu tusaaneqarsinnaapput, akuttusuunilli maligaasiortitsillutik nipiliornerat 40 kilometerimik ungasissuseqartumit tusaaneqarsinnaalluni. Misissuinermi pasitsaanneqarpoq Qeqertarsuup tunuata eqqaani katersuunnermikkut arfiviit qulakkeertaraat erinarsuutertik akulikitsumik maligaasiornermik ilalik arfernit allanit tusaaneqarsinnaanera. Erinarsuummi paasissutissat qularnanngitsumik aappassarsiornerminni atortarpaat. 

PloS ONEnimi allaaserisaq Københavns Universitet, Pinngortitaleriffik, Århus Universitet aamma USAmi Syracuse Universitet kiisalu arfiviit pillugit Outi Tervop Københavns universitetimeersup PhDmik allaaserisaanit arlalinnit aallaaveqarpoq. Qeqertarsuarni Arktisk Stationimi PhD Outi Tervo 2003 aallarnerfigalugu arfiviit nipaannik ilisimatusarpoq. 

Plos ONE´nimi allaaserisaq uani atuarneqarsinnaavoq

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER