Peri eqqaaniarlugu

- Namminersornerulluni Oqartussaqarnerup aallartinneranit politikkikkut malunnaatillit ilaata qimappaatigut, Inatsisartut siulittaasuat Josef Motzfeldt allappoq

Folketingimut ilaasortaasimasoq Preben Lange - saamerlerpaaq toquvoq. Aanna 2011-mi Rigshospitalimi assileqatigai Aasianni kommunalbestyrelsimut ilaasortaasimasoq Rasmus Brandt (saamerleq), qiterliuvorlu Danmarkimi kalaallit palasiat Jens Kristian Kleist. Ass.: Elisabeth Lyberth.

Hanne Broberg

sapaat 06. uki 2013 13:19

Annonse

Preben Lange, ilinniartitsisoq siusinnerusukkullu Inatsisartunut Folketingimullu ilaasortaasimasoq Preben Lange toquvoq. Preben Lange 64-inik ukioqarluni toquvoq.

Inatsisartut siulittaasuat Josef Motzfeldt allappoq Prebenip qimatai eqqarsaatiminiitillugit:

- Perip, taamatut taasaratsigu, politikkikkut anguniakkani qularutiginngisaannarpai. Taamaattumik qularnanngitsumik ilisarisimannittorpassuit eqqaamassagipput ersarissumik oqartarneranik tunillatsinnartumillu qiimasuuneranik.

Preben Lange Inatsisartunut ilaasortaavoq Namminersornerullutik Oqartussat eqqunneqarnerannit 1991-ip tungaanut.
Preben Lange ilanngullugu Folketingimut ilaasortaavoq 1979-imiit 1987-imut.

nunatsinnit inuiagatigiit