Nuummi timersortartut ulluat nalliussineqarpoq
Tamanna pissaaq ullumi Kunngit Pingasuni Nuup Timersortarfissuani
Sapaammi januaarip 6-anni 2013 Kommuneqarfik Sermersuumi Nuummi timersortartut nalliuttorsiussapput. 2012-imi angusarissaarnerit nalliuttorsiutigineqassapput, nersorniarneqassappullu GM-imi, DM-imi, EM-imi imaluunniit VM-imi ajugaasimasut.
Nalliuttorsiorneq aallartissaaq nalunaaqutaq 13.30 isaaqatigiinnermik. Siulliussapput Tambourkorpset aamma Nuummi illoqarfiup nipilersortartui. Assigiinngitsunik aliikkusersuisoqassaaq Ineriartornermullu ataatsimiititaliap siulittasua Mille Søvndahl Pedersen oqalugiassaaq.
2012-imi kuultinnassimasut diplom-innatsinneqassapput, tamatumalu kingorna Ukiumi timersullammannut nersornaatit tunniunneqassallutik. Meeqqanut akissarsiassanik makitsisitsisoqassaaq, orpiliartoqassallunilu kingorna mamakujuttunik agguaassinertalimmik.
Aliikkusersuissapput Hinnarik Frederillu. Nipilersornermik ilinniarfiup agissamik ilinniartui tusarnaartitsissapput. Miki Thomsen aamma Rockstones nipilersussapput. Nalliuttorsiorneq naggaserneqassaaq nalunaaqutaq 16.40 qummoroortarnermik.