Skip to main content

Malittarisassat nutaat atorlugit suliffeqarfiit pitsaanerulissaaq

Ukiut nikinneranni sullivinni avatangiisinut inatsimmi malittarisassat nutaat atuutilerput. Tamakkua sunik kinguneqassanersut atuaruk 

Malittarisassat nutaat, januaarip aallaqqaataani atuutilersut, Nunatsinni Sullivinni Avatangiisinut Siunnersuisooqatigiit malillugit, sullivinni avatangiisinik sulineq nukittorsassavaat.

- Akiliisitsissutit anginerusut, sulisitsisut sulisullu akisussaaffiisa allanngortinnerat sanaartornermilu ataqatigiissaarisutut ilinniagaqarfiup nutaap sullivinni avatangiisinik sulineq nukittorsassavaat, Nunatsinni Sullivinni AVatangiisinut Siunnersuisooqatigiit siulittaasuat Ivalo Egede tusagassiorfinnut nalunaarummi allappoq.

Unioqqutitsineq marloraammik akeqalerpoq
Ivalo Egede oqaluttuarpoq sullivinni avatangiisinut malittarisassanik unioqqutitsineq marloriaammik akeqalersoq, unioqqutitsineq erloqinartumik ajutoornermik kinguneqarpat.

Tamanna peqatigalugu inatsisitigut akisussaaffiit sulisitsisunut sulisuinullu allanngortinneqarput. Sulisitsisunut atatillugu akisussaassuseqarnerat killeqarpoq pissutsini, sapinngisartik tamaat sulinermilu avatangiisinik peqqinnartunik qulakkeerinnissimanerminni. Tamanna peqatigalugu sulisut akisussaaffii sakkortusineqarput, piaaraluneerlutik mianersuaalliorujussuarlutilluunniit malittarisassanik unioqqutitsisimappata, sulisitsisup intsisitigut piumasaqataatinik naammassinniffigisimasaani.

- Malittarisassatigut nutaatigut siunertaavoq Kalaallit Nunaanni sullivimmi avatangiisinik sulinerup nukittorsarnissaa, pissutigalugu naatsorsuutigineqarmat tamakkua anguniagaqarfinnut pinaveersaartitsinermik sunniuteqassasut, taamaasillunilu suinermi ajutoornerit susinnaajunnaarnerillu ikilisinneqassallutik, Ivalo Egede nassuiaavoq.

Ersarissumik nukittorsaat
Sanaartornermi ataqatigiissaarisutut ilinniagaqarfik nutaaq pilersinneqarpoq sullivinni avatangiisinik sulineq nukittorsarniarlugu, malittarisassallu nutaat kingunerisaannik sanaartornermik ingerlatsiviit ataqatigiissaarisutut ilinniarsimasumik atorfinitsitsissapput, sanaartorfimmi suliaqarunik, sulisitsisumik ataatsimik amerlanerusunik sulisitsisulimmik.

- Malittarisassat nutaat kingunerisaannik sanaartorfinni tamani, ataatsimik amerlanerusunik sulisitsisulimmi, inoqassaaq sulisut isumannaatsuunissaannik peqqissuunissaannillu isumaginninnissamut piginnaanilimmik.

Kalaallit Nunaanni sullivinni avatangiisinut inatsisip allanngortinneqarnissaanik siunnersuut qallunaat suliassaqartitsinermut ministeriannit Mette Frederiksenimit, Socialdemokraterne, saqqummiunneqarput 2012-mi novembarimi, Kalaallit Nunaanni Sullivinni Avatangiisinut Siunnersuisoqatigiit siunnersuuteqarnerisa kingorna.

Allannguutit Namminersorlutik Oqartussanit tapersersorneqarput.

 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER