Skip to main content

Nunatsinni aarrit pisassat aaqqinneqartut

IWC-mut 2013-imi arfattassat amerlassusilernissaannut qinnuteqaataagaluaq qisuariarfigineqanngilaq. Maanna Nunatta arfernik angisuunik pisassani nammineq aaqqippai

Nunat tamalaat arfanniarneq pillugu ataatsimiititarsuat IWC, pisinnaanngippat Kalaallit Nunaat nammineersinnaavoq.

Decembarimi 2012 aalisarnermut piniarnermut nunalerinermullu naalakkersuisoq Ane Hansen, IWC-mut tusarniaassutigaa Kalaallit Nunaata 2013-imi aaffattassai. Tusarniaaneq taanna suli akineqanngilaq. 

Taamaattumik Naalakkersuisut manna namminneq 2013-imi arfernik angisuunik pisassat aalajangiussimavaat. Pisassat siornatigut IWC peqatigalugu aalajangersorneqartarput. 2012-imii IWCp 64-issaanik ataatsimiinnerani Kalaallit Nunaata aaffattassatut kissaatai itigartitsissutigineqarput. Taamani Ane Hansenip Kalaallit Nunaat sinnerlugu aaffattassat 211-nit 221-nut amerlineqarnissaat kissaatigaa. Nunat 34-t akuerseqataanngillat - nunat allat 25-t akuersaartut - pingasullu taaseqataanngitsut.

Kalaallit Nunaata pisassai IWC-mit aalajangerneqanngippata Kalaallit Nunaata pisussaaffigaa piffissami pisassiiffissami nammineq pisassat aalajangernissaat. Piumasaqaataavorli Videnskabelige Komite innersuussutai malinneqassasut. 

Tikaagulliusaaq

Kitaanut 2013-imi pisassiissutit tamakkerlugit tikaagulliusaat 19-upput. Angallatit tikaagulliusaarniarnissamut teknikkikkut piumasaqaatinik nalunaarutini ataani taaneqartunik naammassinnissimasutut akuerineqarsimasut 1. januarimiit 31. decemberimut tikaagulliusaarniarsinnaapput. Tikaagulliusaartassat annertussusissaat allanngortinneqarsinnaavoq nammineq piumassutsimik pisassiissutinik ukiumut 19-niit 14-nut appartinneqarnerisigut.

 

Arfivik

Kitaanut 2013-imi arfiviit marluk pisassiissutigineqarput. Angallatit, pingaartumik Qeqertarsuup Tunuani angerlarsimaffeqartut arfivinniarnissamut teknikkikkut piumasaqaatinik nalunaarutini ataani taaneqartunik naammassinnissimasutut akuerineqarsimasut 1. aprilimiit 31. decemberimut arfivinniarsinnaapput. Piniarnerup isumannaatsumik ingerlanneqarnissaa eqqanaarniarlugu ukiut siuliinitut piumasaqaatinik piumasaqartoqassaaq Namminersorlutik Oqartussat, Kommunet aamma piniartut akornanni suleqatigiilluarnissamik piumasaqartumik.

Qipoqqaq

Kitaanut 2013-imi qipoqqartassiissutit tamakkerlutik quliupput. Angallatit qipoqqarniarnissamut teknikkikkut piumasaqaatinik nalunaarutini ataani taaneqartunik naammassinnissimasutut akuerineqarsimasut 1. aprilimiit 31. decemberimut qipoqqarniarsinnaapput.

Tikaagullik

Kitaa

2013-imi Kitaani tikaagullittassat tamakkerlutik 178-iupput. Angallatit kiisalu ataatsimoorussamik tikaagullinniarnissamut teknikkikkut piumasaqaatinik nalunaarutini ataani taaneqartunik naammassinnissimasutut akuerineqarsimasut 1. aprilimiit 31. decemberimut tikaagullinniarsinnaapput.

Tunu

2013-imi Tunumi tikaagullittasiissutit tamakkerlutik 12-iupput. Ataatsimoorussamik tikaagullinniarnissamut teknikkikkut piumasaqaatinik nalunaarutini ataani taaneqartunik naammassinnissimasutut akuerineqarsimasut 1. aprilimiit 31. decemberimut tikaagullinniarsinnaapput.

Nunatta Kitaanut Tunumullu tamakkiisumik:

Ukiumi tullermi nunap immikkoortukkaarlugit pisassiissutissat pisassiissutinik agguaasartoqatigiit tusarniarneqareerpata tusagassiorfitsigut nalunaarutigineqarumaarput.

2013-mi pisassiissutit nalimmassarneqarsinnaapput 2012-mi pisarineqanngitsoortunik nuussisoqarsinnaanera eqqarsaatigalugu aammalu pisassiissutinik nalimmassaasoqarsinnaalluni Naalakkersuisut aalajangigaannik IWC-mi nunat ilaasortat tusarniarneqarnerat tunngavigalugu. Taakkua immikkut nalunaarutigineqarumaarput.

Piniarnissani piumasaqaatit 

Arfernik angisuunik piniarneq ingerlanneqassaaq takuuk:

  • Arfernik angisuunik illersuineq piniarnerlu pillugit Namminersorlutik Oqartussat nalunaarutaat nr. 11, 16. juli 2010-meersoq – imaluunniit allamik nalunaaruteqartoqarpat
  • Arfattat angisuut pissatallu nalunaarutigineqartarnerat pillugu Namminersorlutik Oqartussat nalunaarutaat nr. 12, 16. juli 2010-meersoq.

 

 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER