Avatangiisit pillugit isumaqatigiissut Antuup isornartorsiorpaa

Nunatta Danmarkillu akornanni avatangiisit pillugit isumaqatigiissut atorsinnaanngilaq. Isumaqatigiissummi nutaami inatsisitigut akisussaanissamik allassimasoqarnissaa Anthon Frederiksenip ujartorpaa

Tunumi Ikkatimi sakkutooqarfiusimasoq saviminikoortittut qimanneqarsimavoq. Foto: Ole G. Jensen

Nunatsinni sakkutooqarfiusarsimasuni qimaannakkat piiarneqarnissaannik nunatta Danmarkillu akornanni avatangiisit pillugit isumaqatigiissut atsiorneqatsiaannartorlu nunamut namminermut, pinngortitamut avatangiisinullu naalakkersuisup Anthon Frederiksenip isornartorsiulereerpaa.

Tamanna pivoq atugassiamut Fagbladet ingeniørenimut, oqarluni isumaqatigiissut taamaallaat siunniussanik kusanartunik imaqartoq inatsisitigullu pisussaaffiliisoqarani.

Toqqaannartumik oqaatigaa qallunaat naalagaaffiata tamanut akisussaanera amigaatigalugu. Isumaqatigiissummi tassunga tunngasumik sunnguamilluunniit allassimasoqanngilaq, Anthon Frederiksen oqarpoq.

Læs også: Rydder op efter fortidens synder

Læs også: Miljølov med indbygget svaghed

Niras naapertorlugu qallunaat amerikamiullu sakkutooqarfigisimasaanniit mingutsitsinerit nalunaarsukkat 620-upput tassannga 87-it annertuumik mingutsitsinerullutik. Suut tamarmik salinneqarnissaat 1 milliard koruunit sinnerlugit nalilerneqarsimavoq.

Allaaserisaq ingeniørenimiittoq atuarfinnaavat uani

Powered by Labrador CMS