Skip to main content

2012: Nunatsinni lottomi millionærinngortut nutaat marluk

Aappariit Storchikkut Qeqertarsuarmeersut eqquiniaasorlu lottomi eqquiniummik Ilulissani pisisoq ukioq manna naalagaaffeqatigiiffimmi lottomi millionærinngortut 188-it akornanniipput 

Qeqertarsuarmiut aappariit Larsine aamma Jakob Storch maajip naanerani Pilersuisumi lottomi eqquiniummik 50 koruuninik akilimmik pisimmata tamanna ajunngilluinnartumik aningaasaliinerusoq paasinarsivoq. Tassami 7,8 millioner koruunersuarnik eqquinermikkut 50 koruuninik atorluaasimasutut oqaatigisariaqarput.

Eqquiniaasartoq aamma iluatsitsivoq - annikinnerugaluartumik - Onsdags Lottomi immikkut eqqugassat arfinillit tamarmik immikkut 1 million koruuninik aningaasartallit makitsissutigineqarmata 1 million koruuninik eqquigami. Lottomi eqquiniut Ilulissani Sparimi septembarimi pisiarineqarpoq.

Læs "Lottomillionærer: Det er helt uvirkeligt"

Læs "Iluliarmioq har vundet en million"

Millionærinngortut aatsaat taama amerlatigisut
Kalaallit eqquisut taakkua marluk 2012-imi lottomi millionærinngortut katillugit 188-it akornanniipput, Danske Spil ilisimatitsivoq. 2012-imi millionærinngortut aatsaat taama amerlatigipput Danmarkimilu oqaluttuarisaanermi eqqugassat annersaat makinneqarluni.

Lottomi millionærinngortut 188-it katillugit 1 milliard koruuningajannik eqquisimapput - tassa eqqornerusumik 939 millioner koruuninik.

Aningaasat taakkua amerlanerpaartaat Sjællandimi eqqorneqarput. 2012-imi tassani millionærinngortut 68-iupput. Jylland tullersortaavoq millionærinngortut 50-iullutik, Fynimilu millionærinngortut aqqaneq-marluullutik. Bornholmimi Kalaallit Nunaannilu millionærinngortut ataatsimik marlunnillu amerlassuseqarput, 'Plus'-abonnementimi eqquiniaasartut eqqugassanik millionitalinnik 32-nik eqquipput nettimilu eqquiniaasartt 23-nik eqquillutik.

Eqqugassat annerpaartaanik eqquisoq tassavoq angut Storkøbenhavniminngaanneersoq, Eurojackpotimut eqquiniummik Herlev Sygehusimi pisisimasoq. Taanna oktobarip 26-ani makitsisoqarmat 135.177.015 koruuninik naleqalersimavoq. Iluanaarluni eqquisup eqquiniutini tuparujussuaqqanermi qaangiunnissaata Danske Spilimullu attaveqarnissami tungaanut eqquiniutini alersiminut talerperlermut toqqorsimavaa.

Læs "Lottovinder gemte kuponen i en sok"

Taamaalilluni Danmarkimi eqqugassat annerpaartarisimasaat qaangerneqarpoq. Eqqukkat annerpaartaat taamanikkumut 38,5 millioner koruuninik aningaasartaqarsimavoq 2008-milu marsimi Lottomi eqqorneqarluni. Eqqukkat annerpaartaat taanna 2012-imi marloriarluni qaangerneqarpoq.

2012-imi eqqukkat annerpaartaat tallimat:

  1. 135.177.015 – Eurojackpot – sap.ak. 43 – Kiosken Herlev Sygehus, 2730 Herlev
  2. 49.937.681 – Onsdags Lotto – sap.ak. 46 – Boulevard Kiosken, Boulevarden 8, 4760 Vordingborg
  3. 43.853.592 – Joker Lørdag – sap.ak. 43 - Telma, Storegade 13, 6753 Agerbæk
  4. 29.980.905 – Joker – sap.ak. 17 - Løvbjerg Supermarked, Tarup Centret, Rugvang 36-38, 5210 Odense NV
  5. 26.519.128 – Lotto med Trumf – sap. ak. 18 - 'Plus'-abonnement
Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER