eqqaaniaasoqarpoq

Juullip ullorsuani Narsami ileqqoq naapertorlugu toqukkut qimagussimasut eqqaaniarneqarput

Juullip ullorsuani ualikkut ileqquuvoq Narsami iliveqarfimmi ikinngutit ilaquttallu toqukkut qimagussimasut qinoqatigiinnikkut tussiaqatigiinnikkullu eqqaaniarneqartarnerat. Assimi qinoqatigiinnerup kingorna. Assi: John Rasmussen

Juullip ullorsuani ualikkut Narsami ileqquuvoq ilaquttat ikinngutit asasat toqukkut qimagussimasut qinoqatigiinnikkut tussiaqatigiinnikkullu iliveqarfimmi eqqaaniarneqartarnerat. Ukioq manna taamatut aamma pisoqarpoq. Qinoqatigiinneq ajoqimit soraarnermit Sebulon Poulsenimit ingerlanneqarpoq taassuma tussiaqattaartartut aamma siulersortarpai. Inuppassuit peqataapput iliverpassuit naneruuserneqarlutik.

Narsami ualikkut nittaallermat juulli aputilik aamma misigaat.

Powered by Labrador CMS