Skip to main content

Juullilernerani ikiortarialippassuit

Qaasuitsup Kommuniani suliffissaaleqisoqarneratigut kommune annertuumik isumaninninnikkut iliuuseqartariaqarsimavoq. Inuit 500 missaanniittut kommunimit tapiiffigineqarlutik sulisinneqarput

Ukioq manna Qaasuitsuitsup Kommuniani isumaginninnikkut tamaviaarnartoqarsimavoq.Innuttaasorpassuimmi suliffissaaleqinermik eqqugaasimapput.
Qaasuitsup Kommuniani innuttaasut sulisinnaassuseqartut 500 missaanniittut aasarli isumaginninnikkut ikiorsiissutisisarsimapput, juullilerneranilu ikileriarsimanngillat.

Borgmesteri Jess Svane inuussutissarsiornermullu aatsitassanillu naalakkersuisoq Ove Karl Berthelsen aasarli aningaasaqarnikkut isumaqatigiissuteqarsimapput qulakkeerniarlugu ukiup affaani kingullermi suliffissaaleqisorpassuit sulisinneqarnissaat. Namminersorlutik oqartussat 11-12 million koruuninik aningaasaliisimapput kommunilu nammineerluni aamma 4 million koruunit tungaannut aningaasaliillutik, taakkulu katillugit sulisitsinermut isumaginninnikkullu ikiorsiissutinut atorneqassallutik.

Sulineq allatut ittoq
Suliffissaaleqisorpassuit assigiinngitsunik pikkorissartinneqarsimapput, suliffinnut assigiinngitsunut innersuunneqarlutik ilaatigut nunaqarfinni eqqaavilerisutut.

Kommuni namminersorlutillu oqartussat aamma isumaqatigiissimapput suli 3 million koruuninik aningaasaliisoqassasoq inuit 300 missaanniittut suliffissaqarnissaat qulakkeerniarlugu. Taakku tassaanerupput sumiiffinni assigiinngitsuni suliffissuit matunerisigut eqqugaasut.

- Juullilernerani inuppassuit suliffissaqartissimagavut isumaginninnikkullu ikiorsiissuteqartillutigik. Suliffissaalerisoqaraluartoq nuannaarutigeqaarput inuppassuit eqqorneqartut taamaallaat aningaasanik tuniinnannginnatsigik aammali sulisillutigik, borgmesteri Jess Svane Siumumeersoq oqarpoq.
Nuannrinngilaali kommunimi taama annertutigisumik isumaginninnikkut iliuuseqartoqartariaqarsimammat.

- Ajornartorsiutit annersarisarpaat aalisarnerup maannaannakkut unittarnera tamannalu innuttaasorpassuit aningaasaqarneranut nalorninartoqalersitsisarluni, minnerunngitsumillu taamatut ingerlasoqarneratigut kommuni aningaasartuuteqartariaqartaluni, oqarpoq.
Aammali erseqqissarpaa innuttaasut tamarmik aningaasatigut ikiorneqarsimanngitsut.
- Aalisarnermik inuussutissarsiuteqartut piniartullu inatsisit malillugit aningaasatigut ikiorserneqarsinnaangnillat, taakkulumi aamma aningaasaqarnermikkut tatineqarput, oqarpoq.

SIlulissani suliffissaaleqinerujussuaq
Suliffissuarni aalisakkanik raajanillu tunisassiornermik sulineq killeqarpoq, sanaartornerlu killeqarluni kiisalu inuusuttut ilinniagaqanngitsut Ilulissani ajornartorsiutit annersaraat, taamaalilluni ukiorpassuarni suliffissaaleqineq aatsaat taama annertutigaluni.

- Maannakkorpiaq Ilulissani suliffissaaleqisut 272-upput, naatsorsuutigaarpullu ukiup naanerani amerleriassasut, Qaasuitsup Kommuniani suliffeqarnermut allattoqarfimmi siunnersorti Hanne Anna Heilmann oqarpoq.

Oqaatigaa suliffeqangnitsut arlaqartut ukiup naanissaanut suliffeqarfinni assigiinngitsuni sulsinneqartut.
2013-imi Qaasuitsup Kommuniani 1,1 milliard koruuninik missingersuusiortoqarsimavoq.

Ilulissaniu suliffissaaleqisut
2010 sap.ak. 49-50: 163
2011 sap.ak. 49-50: 180
2012 sap.ak  49-50: 236

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER