Skip to main content

Juullip inua kinguaattoornikoq Qaanaamut tikilluaqqusaaqaaq

Juullip inua ullunik 14-inik kinguaattoornera soqutaavallaanngilaq. Taanna allanit pitsaaneruvoq

Naak Juullip inua, taassuma ikiortaa aamma poortukkat ullunik 14-inik kingusinaarlutik Qaanaamut tikikkaluartut soorunami nuannaarutigineqaqaat, illoqarfimmut decembarip arfineq-aappaanili tikittussaagaluarluni kiisami tikimmata. 

Qujanartumik juullip inua tallimanngornermi tikimmat qatserisartut, politiit biilii, ambulancit aamma timmisartoqarfimmi sulisut nipiliortitseqaat. Qaanaami innuttaasunut tamaginnut aliikkutaalluarlutik. Nittaalaarmat qulliit ikittaarnerat alutornaqutaapput. 

Juullip inua højtalerersuarnik iluaqquteqarpoq meeqqanit 'ho ho hoortornera' tusaaneqarsinnaalluni. Kikkut tamarmik tikittarfiliaapput orpik piareeqqasoq. Atuarfiup pisortaa Dan D. Normann tikilluaqqusilluni oqalugiarpoq Juullip Inuanik suliallit inuulluaqqullugit, sakkutooqarfimmi Pituffimmi sakkutuut inuusuttut sulisullu aningaasanik katersiniarsimanerat, niuerniarsimanerat, poortueriarlutillu meeqqanut Avanersuarmiittunut (Qaanaaq, Siorapaluk, Qeqertat, Savissivik) nassiussisimanerat qutsatigalugu. 

Kultureqarnermut ataatsimiititamit Jens Danielsen oqalugiarpoq nissikkormiut juullillu inua nersualaarlugit.  

Juullip inuanik suliniuteqartut tamaasa innuttaasut sinnerlugit qutsaveqarfigai neriulluni taakkununnga periarfissaq siulleq poortugannguamik nassiussissalluni. 

Kingorna orpik kaavinneqarpoq taassuma ataaniillutik poortugarpassuit. Naggataatigut meeqqat nipertik tamaat ’Nissimaannguaq iserit’ atorpaat. Meeqqat juullip inuanit nissiaqqanillu tunissutisitinneqarput. Nissiaqqat tassaapput Avanersuup Atuarfiani 10. klassini atuartut.

Naggaterpiaatigut meeqqat juullip inua orpiup eqqaani assiliseqatigaat. 

Juullip inua taassumalu malittai ullunik 14-inik kingusinaarlutik tikipput silarlunnera pissutigalugu kingornalu Pituffimmit qulimiguulik ajornartorsiuteqarmat. 

 

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER