Suliniut kusanaq - orniguttut ikik
Arlaatigut kukkuluttortoqarpoq Nuummi Eqqumiitsulianik katersugaasivik ullukinnersiorluni ingerlaaqatigiinnermik aaqqissuussimmat
Anguniakkat ajunngikkaluarput angusalli naammaannarput.
Ullukinnersioqatigiinnissaq - imaluunniit silarsuup aserornissaraluani ingerlaaqqatigiinnissaq - decembarip 21-at sioqqullugu, Nuummi Eqqumiitsulianik katersugaasivimmi pappilissanik qiortaalluni ulapaarfioqaaq. Katersugaasivimmi naneruarfiit assigiinngitsunik qalipaateqarlutillu ilusillit suliarineqarput. Assersuutigalugu naneruarfiit qorsuit kipparissut, sinaatigut uummataasanik kaasarfillit, iluanni naneruuteeqqat ammalortut ikumagaangamik uisorilasarput. Poor'lunik kissalaanik kakaavimilllu sassaallertoqarpoq.
Takorluugaavoq meeqqat piumasullu naneruarfilisarlutik katersugaasivimmit illoqarfiup qeqqani naapittarfimmut ingerlaaqatigiinnissaat. Tamaani sermimik ilusiliat ikeqqaartinneqarneranni peqataassallutik qaammaqqutilisarlutik.
Ajoraluartumik aqqutaani sumik arlaanik ajutoortoqarpoq. Immaqa eqqarsaatit kusanaraluaqisut aaqqissuussinerup siumut nalunaarutiginerani aggersaanermiluunniit ajutoorfiusimapput.
Meeqqat taamaallaat qulingiluat takkussimapput angajoqqaatik, aatakkutik aanakkutillu ilagalugit, katersugaasiviliaasut taakkuinnaat naneruarfinnik kusanaraluaqisunik nassarlutik ingerlaarluput.