Skip to main content

Martin Møller pitsaanerit malersorluarpai

Sisoraatinik oqilaniuttartoq Europami juulli ukiortaarlu nalliussissavai - nammineq nittartagaagut malittariuk www.rg.gl

Piffissami matumanerpiaq nunatta sisoraatinik oqilaniuttartui Europami sungiusaqatigiipput. Tamatuma saniatiut nunarsuarmi ujakkaartartut sukkanerpaat unammeqatigaat. Sapaatip akunnerata siuliani Kalaallit Nunaannit oqilaniuttartut nukittunerpaartaat Martin Møller nunarsuarmi oqilanerpaat marluk unammeqatigai.

Unamminermi siullermi 10 km Continental Cupimi østrigimiut sisorartarfianni Sankt Ulrich ingerlanneqarpoq. Siorna World Cupip katinnerani ajugaasoq Dario Cologna, peqataavoq ajugaallunilu.

- Pitsanngoriartorlunga misigaanga aatsaat ukioq manna taamak pitsaatigisumik ingerlaarlunga nunarsuarmi oqilanerpaamit minutsit pingasut ataallugit kigaannerullunga. Arpareerama biilinut ikivunga nal. ak. 4 Italiami Livigno ornillugu. Tassani  La Sgambeda 42 km isorartussusilik, aamma World Cupimi FIS-maratonip immikkoortortaa siulleq utaqqivoq, Martin Møller Sermitsiaq.AG'mut oqarpoq. 

- Imaassinnaavoq siulleq ingerlaareerlugu tullia tulluanngikkaluartoq kisianni ilaanni peqataaffigerusutaq ilaaffiginiarlugu sukataalaarluni ajorneq ajorpoq. Unammineq taanna nuannersorujussuuvoq. Ataatsikkut aallartarpugut sisorartartut 3000 missaat.

- Aallartilluarpunga siullerni 20 km. miss. malinnaalluarlunga. Tamatuma kingorna ilaat sukkatserujussuarput avissaartuuppugullu. Tassanngaanniit apuuffissap tungaanut angutit tamarmik pitsaanerpaamik angusaqarniarlutik sukataarput. 

- Unamminermi norgemiu Petter Northug ajugaavoq (taassuma VM'imi kuultit arfineq-marluk aamma OL'imi kuultit marluk pigai). Normu 47-tut apuuppunga Northugimit minutsinik arfinilinnik arriinnerullunga. Naammagisimaarluarpara aamma Italiami qatsissumi assut kusanartumi arpanneq misilikkakku nuannaarutigeqaara.

- Uannut nutaarsiassaq nuannerluinnartoq tassa Tour de Skimi peqataanissamut toqqarneqarama. Taanna World Cupimik arpanneruvoq arfineq-marlunnik immikkoortortalik 29/12-imiit 6/1 ingerlanneqartussaq. Tassunga peqataanissara qilanaareqaanga, Martin Møller oqarpoq. 

Martin Møller ullut tamaasa nittartakkamini www.rg.gl allattarpoq - tassannga juullip ukiortaallu akornanni unammeqataaneri aamma kalaallit nunanut allanut unammisartuisa VM'imut World Cupimullu peqataatitsiniarlutik unammeqataaneri malinnaaffigineqarsinnaapput.

 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER