Skip to main content

Dorisip’ 'qunusaarinera akuerisinnaanngilarput'

Doris Jakobsenipp 'qunusaarutai' er i bedste fald ligegyldige, men i værste fald direkte skadelige, fastslår Demokraternes formand Jens B. Frederiksen

Demokraterne tager nu afstand fra medlem af Folketinget for Siumut Doris Jakobsens udtalelser om, at fremtiden for rigsfællesskabet ser ’sort ud’, hvis Folketinget blokerer for storskalaprojekter i Grønland.

Demokraatit maannakkut Siumut sinnerlugu Folketingimut ilaasortap Doris Jakobsenip oqaaseqaatai - Folketingip Kalaallit Nunaanni suliniutinut angisuunut mattussissagaluarpat naalagaaffeqatigiinnerup siunissaata qernertuinnaanerarlugu oqaatigisai akuersaarsinnaanngilai.

Partiip siulittaasua Jens B. Frederiksen naqissusiivoq.

Tamanna pivoq Doris Jakobsen Folketingimi aningaasanut inatsisissaq pingasunngornermi oqaluuserineqarmat mianersoqqusimmat, naalagaaffeqatigiinnerup siunissaa qernertuinnaassasoq Folketingimit inatsit immikkut ittoq Kalaallit Nunaanni suliniutinik angisuunik ingerlatsissutaasinnaasoq akuerineqanngippat. 

- Demokraatini Doris Jakobsenip qunusaarinera akuerisinnaanngilluinnarparput. Isumaqarpugut oqaloqatigiinneq, qaammarsaaneq ataqqeqatigiinnerlu paaseqatigiinnerunissamut aqqutaasussaasut, Jens B. Frederiksen allappoq.

- Isumaqarpugut danskit politikeriisa ilaat Doris Jakobsenimit isumaqataanillu qunuarineqarnavianngitsut ingerlatat annertuut pillugit inatsimmut, Inatsisartuni akuerineqaqqammersumut angeqqullugit. Periuseq kukkulluinnarpoq. 

Oqaloqatigiinneq piumaneruarput
- Demokraatini oqaloqatigiinneq piumaneruarput aamma Doris Jakobsen kaammattorusupparput oqaloqatigiinnermut tutsuviginartumik qaammarsaanertalimmut peqataaqqullugu, tangeqanngitsumik qunusaaripajoqinani, taama pissuseqarneq asuli akorngutaaginnarsinnaammat, Naalakkersuisut siulittaasuata tullia akivoq.

Jens B. Frederiksenip aamma aalajangiusimavaa Folketingimi amerlanerussuteqartut ingerlatanut annertuunut atatillugu sulisinnaanermut qinnuteqaatit eqaannerusumik suliarinissaannut Folketingimi amerlanerussuteqartut akimmisaartitsilissagaluarpata. Isumaqarpugut ingerlatat annertuut pillugit inatsisit pitsaasuusoq, nunami maani suliffissuarnik nutaanik annertuunillu ineriartortitsinissaq qulakkeerneqartussaammat peqataanillu sanaartornerup nalaani  sulisartunik akiluttortitsinissaq pinngitsoortinneqartussaammat.  

Ingerlatat annertuut pillugit inatsit suliniutinik aallartitassanillu amerlasuunik imaqarpoq Demokraatinilu qularinngilarput, Folketingimi politikerit akornanni inatsimmut  aalajangersakkanullu paasinninnerulertoqarumaartoq. Kalaallit politikerii annertuumik akisussaaffimmik tigusinikuupput oqaloqatigiinneq pitsaasoq pilersinniarlugu aamma danskit politikeriinut qaammarsaanissaq eqqortumillu paasissutissiinissarlu anguniarlugu, Jens B. Frederiksen allappoq.

Demokraatini tamanna tunngavigalugu Naalakkersuisut kaammattornikuuagut Christiansborgimi isumasioqatigiisitsissasut – ukiortaami januarip aallartisimalernerani pisussaq ilasseqatigiinnissaq iluatsillugu – tassani uangut kalaallit pisortatigoortumik danskit aalajangiisartut kattuffiillu qaaqqussavagut ingerlatat annertuut kingunissaalu pillugit tusarnaariaqqullugit. Neriuppugut upperalugulu, aaqqissuussinerup taamaattup danskit politikerii uisikkumaarai. 

Kalaallit Nunaannit Folketingimi ilaasortaatitap aappaa Sara Olsvig, IA assingusumik siunnersuuteqarpoq, Inatsisartut inuussutissarsiornermik ataatsimiititaliaata Folketingimi Kalaallit Nunaat pillugu ataatsimiitataq naapeqatigiinnissaannik. 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER