Alibak Steenholdt toquvoq

Inatsisartut allaffeqarfianni pisortaasimasoq toqukkut qimaguppoq

Alibak Steenholdt toquvoq. Assi: Leiff Josefsen

Inatsisartut allaffeqarfianni siornatigut pisortaasimasoq Alibak Steenholdt marlunngornermi toquukkut qimaguppoq.

- Misiginneqataanerput qimagaasunut ingerlatipparput. Eqqaaneqarnera ataqqinartuuli, Inatsisartut siulittaasuat Josef Motzfeldt, IA tusagassiorfinnut nalunaarummi allappoq.

Alibak Steenholdt 1989-imi kunngikkormiut nersornaasiuttagaanik Ridder af Dannebrogsordenimik nersornaaserpoq, 1996-imi sølviusumik Nersornaaserneqarluni kiisalu 1999-imi kuultiusumik Nersornaaserneqarluni.

1979-imi Namminersornerulluni Oqartussaanerup eqqunneqarnerani Alibak Steenholdt Inatsisartut allattaattut atorfinitsinneqarpoq, piffissami 1988-imiit 1996-imut aamma tassani allattoqarfimmi pisortaalluni, kiisalu piffissami 1996-imiit 1999-imi soraarninngornissami tungaanut pisortatut atorfeqarluni.

Alibak Steenholdt 1972-imi Københavnimi ilinniarnertuut ilinniarfissuanni inatsisilerituutut naammassivoq. 1973-imi nunatsinni?qinikkanik sulissinera aallartippoq, taamanikkut nunatta Landsrådiini fuldmægtigitut atorfinikkami.

Alibak Steenholdt 78-inik ukioqalerpoq.

Powered by Labrador CMS