Skip to main content

Minik Rosing nutaamik siulittaasuuffeqalersoq

Januaarip aallaqqaataanit geologimi professor Minik Rosing Geus'imut siulittaasunngussaaq - Geus tassaavoq Naalagaaffiup Danmarkimi aamma Kalaallit Nunaanni nunat sananeqaataannik misissuinermik ingerlatsivia

Naalagaaffiup Danmarkimi aamma Kalaallit Nunaanni nunat sananeqaataannik misissuinermik ingerlatsivia, ulluinnarni Geus - siulersuisui toqqarneqaqqammerput.

- Professor Minik Thorleif Rosing Geus'ip siulittaasuatut toqqarneqarpoq, paarlallugu nakorsaaneq dr. med. Per Buch Andreasen. Minik Rosing ujarassiuutut ilinniarsimavoq, ukiorpassuarni Kalaallit Nunaanni nunap sananeqaataanik misissuinermik misilittagaqarpoq. 

- Taassuma sulinermini ilisimatusaatimi siammarterneranik ingerlatsivoq ukiuni arlalinni ilisimatusarnermut tunngasunik ataatsimiititani, ilisimatusarneq pillugu siunnersuisooqatigiinni siulersuisunilu allani issiasarsimaoq, tassunga ilanngullugu Geus'ip siulersuisuini 2005 aallarnerfigalugu peqataalluni, silap pissusaanut nukissiornermullu ministeri Martin Lidegaard, Radikale Venstre allappoq.

Siulersuisut januaarip aallaqqaataani 2013 ukiuni sisamani issiasussat aallartissapput. 

Geus'imi siulittaasunngortut ima isikkoqarput: 

Siulittaasoq:

  • Professor Minik Thorleif Rosing.

Ilaasortat:

  • Misissueqqaarnermi pisortaq Keld Hornbech Svendsen, ASIAQ, Namminersorlutik Oqartussat.
  • Ilisimatusarnermut Prodekani Morten Pejrup, Det Natur- og Biovidenskabelige Fakultet, Københavns Universitet.
  • Professor Gertrud Jørgensen, Institut for Geovidenskab og Naturforvaltning, Københavns Universitet.
  • Professor John Korstgård, Institut for Geoscience, Aarhus Universitet.
  • Kukkunersiuinermut pisortaq Ingunn Valvatne, Norges Bank, Oslo.
  • Pisortaq Carl-Emil Larsen, DANVA.
  • Ilisimatusarnermut inerisaanermullu pisortaq Jesper Sand Damtoft, Cementir Holding S.p.A.
  • Pisortaq Nanna Hvidt, Dansk Institut for Internationale Studier (DIIS).
  • Seniorforsker Trine Dahl-Jensen, GEUS. Sulisut sinniisaat.
  • Laboratoriekoordinator Spire Maja Kiersgaard, GEUS. Sulisut sinniisaat.

Aalajangeeqataasinnaanatik ilaasortaasut:
Pisortap tullia Thorbjørn Fangel, Naturstyrelsen, Miljøministeriet.
Pisortap tullia Birgitta Jacobsen, Energistyrelsen, Klima-, Energi- og Bygningsministeriet

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER