Skip to main content

Pinngitsaalisaalluni nuutitaanikoq Carla atuakkiamik saqqummersitsisoq

Carla Lucia Frølund Knakkergaard meeraalluni Qullisanit Danmarkimut nuutitaavoq 

Carla Lucia Frølund Knakkergaard arfineq-pingasunik ukioqarluni Qullissanit Stensvedimut Danmarkimiittumut nuutinneqarpoq, meeqqat 22-t 1951-imi qallunaanngorsarniarlugit perorsarneqarnissaannut atatillugu, kingorna Kalaallit Nunaannut uterlutik kalaallinut innuttaasunut maligassiuisussatut.

Taamaattoq Danmarkimut tikinnermini kisermaamut qitornaqanngitsumut Margit Frølundimut Stensvedimi Vordingborgip eqqaani najugalimmut qitornavissianngortinneqarpoq.  

Carla Lucia Knakkergaard maanna 69-inik ukiulik inuunermi oqaluttuassartaa atuakkiarisimavaa, taanna aqagu pingasunngornermi saqqummissaaq. Atuakkami eqqartorpaa tuparujussuarnini aamma kulturit assigiinngitsuunerannik eqqorneqarsimanini, ilaqutaminit tassanngaannaq peersitaalluni Danmarkimut nassiunneqarnini pillugu, tamaani oqaatsit kulturilu ilisimasaqarfigisimanagit. Aamma apereqqaarnani piumanerluni, aallartitaanini allaaseraa.  

 

Pinngitsaalisaalluni nuutitaasimasut oqaluttuaa nalinginnaasoq
Pinngitsaalisaalluni nuutinneqarsimaneq Carla Lucia Frølund Knakkergaardip inuuneranut sakkortusimaqaaq, ullumikkut kalaallisut oqalussinnaanngilaq taamaattumillu ilaquttani kalaallit oqaloqateqatigisinnaanagit, tamannalu tunngavigalugu annikitsuinnarmik ilaqutaminut attaveqarluni.

Carla Lucia Frølund Knakkergaardip atuakkami aamma eqqartorpai qanoq sorlaqanngitsigaluni sumullu attaveqarnini paatsuunngassutigisarlugu.  

’Et godt liv - trods alt!’ 90 koruuninik akeqarpoq Kalaallit Nunaanni Danmarkimilu atuagaarniarfinni pisiarineqarsinnaavoq. Atuagaq IB Historie aqqutigalugu saqqummersinneqarpoq. 

 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER