Brugsens julecup-imi GSS-imeersut ajugaapput

Rundemi siullermi GSS-p arnartaasa NÛK 30-9-mik ajugaaffigaat, GSS-illu angutitaasa NÛK 34-27-mik ajugaaffigalugu

Ass.: GSS

Brugsens Julecupimi rundemi siullermi GSS-ermiut NÛK-miusut ajugaapput. GSS-ip arnartai unammineq tamaat siuarsimapput, 30-9-millu ajugaallutik, muminnermi 16-5-imik siuarsimareerlutik. Naaja Anja Lyberth GSS-imi isertitsinersaalluni 7-inik isertitsivoq. NÛK-mi Sascha Kilime 6-nik isertitsivoq.

Angutini aamma GSS ajugaavoq. NÛK-mut 34-27-mik ajugaapput, muminnermi 19-14-imik siaqqasimallutik. Erik Motzfeldt GSS-imi isertitsinersaavoq 7-nik isertitsilluni. NÛK-mi Aqqalukkuluk Fontain 6-inik isertitsilluni isertitsinersaavoq.

Brugsens Julecup-imi runde tullineq decembarip 27-anni ingerlanneqassaaq, tamatumuuna GSS-ip arnartaasa angutitaasalu unammiartut Danmarkimeersut, juullimi feriarlutik angerlarsimasut, unammissavaat. Taakkua holdii taaguuteqarput QNA.

Powered by Labrador CMS