Skip to main content

Illu ikuallattoq

Nuummi illoqarfiup qeqqani illu ikuallattoq minutsini makkunani qatserisartunit qamisarneqarpoq.

Nuummi illoqarfiup qeqqani nal. 9.15 inissiaqarfimmi ikuallattoqalerpoq.

Minutsit makkunanerpiaq qatserisartut ikuallattumik qamisaaleruttorput. Inissiami inunnik isersimasoqarsimanersoq nalunarpoq, ambulancilli arlallit ornigussimapput.

Inissiaqarfimmit arnap ataatsip annaassiniartunit inissiamit ikiorneqarluni anninneqarsimanera ilisimannittunit oqaluttuarineqarpoq. Pineqartoq ajorpasinngilaq.

Ikuallanneq inini quleriinni allerneq inissiami pilersimagunarpoq. Tassanngaanniimmi inneq igalaatigut naarallattarpoq illullu silataata igaatigut qummut naarallattarluni. Piffissap ingerlanerani illup qalia aamma ikuallalerpoq. Tamatuma peqatigisaanik ikuallattoq sakkortuumik pujuliorpoq. Igalaanit arlalinnit pujoq aniavoq.

Ikuallannerup pilersitaanik kissarnerujussuup kinguneranik igalaat arlallit aseruatiterput, tamannalu tunngavigalugu illu nigorsimasariaqarluni.

Ikuallannerup qanoq pilersimanera maannamuugallartoq nalunarpoq.

 

 

 

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER