Las Vegas Qinngutsinni

Qinngutsinnukarit qullerpassuillu isiginnaarlugit

Nissimaat tuttullu. Aneerasaartarfippassuit pinnersarneqarsimapput. Foto: Leiff Josefsen
Kuanarluinnarput aamma assini. Qinngutsinnukarlutillu qullerpassuit nammineq takuniakkit. Suli alutornarnerupput, ingammik meeqqanut. Foto: Leiff Josefsen
Las Vegas by night? Foto: Leiff Josefsen
Uummataasalioqatigiissaagut? Foto: Leiff Josefsen
Foto: Leiff Josefsen
Las Vegas by night? Foto: Leiff Josefsen Uummataasalioqatigiissaagut? Foto: Leiff Josefsen Foto: Leiff Josefsen Nissimaat tuttullu. Aneerasaartarfippassuit pinnersarneqarsimapput. Foto: Leiff Josefsen Kuanarluinnarput aamma assini. Qinngutsinnukarlutillu qullerpassuit nammineq takuniakkit. Suli alutornarnerupput, ingammik meeqqanut. Foto: Leiff Josefsen Las Vegas by night? Foto: Leiff Josefsen Uummataasalioqatigiissaagut? Foto: Leiff Josefsen Foto: Leiff Josefsen Nissimaat tuttullu. Aneerasaartarfippassuit pinnersarneqarsimapput. Foto: Leiff Josefsen Kuanarluinnarput aamma assini. Qinngutsinnukarlutillu qullerpassuit nammineq takuniakkit. Suli alutornarnerupput, ingammik meeqqanut. Foto: Leiff Josefsen Las Vegas by night? Foto: Leiff Josefsen

Hollywoodimi filmiliami eqqaamaneqarluartumi »Fars fede Juleferie«-mi Chevy Chasep juullimi qullilersuerujussuarnermigut illumik ikuallatsitsingajannera atuartartut ilarpassuit eqqaamaneqassagunarpoq. Innaallagissamut isumannaallisaatit popcornitut qaararput.

Ulluni makkunanerpiaq Qinngutsinniikkaanni filmip ilaa taannarpiaq eqqarsaatigeqqajaanartarpoq.

Taamaattorli Chevy Chasetut diodinik juullillu qulliinik taama nuannarinnitsigisoqarunanngilaq. Kisianni takorannerput.

Qulliit qalipaatigissaartut tamakkua ungasianit isiginnaarlugit Las Vegasimi qulliit unnukkut ikitersimannerannut eqqaanarput. Blipbåt! Tamaani tuttut, uummataasarujussuit, nissiaqqat aamma juullip inui neonimik qulliliat takussaapput. Qulliilli atorlugit nuannisarneq ajoqutissartaqarpoq: Akisuvoq!

Taamaattumik Nukissiorfiit sullitaminut inassutigaa decembarip innaallagissamik atuineq nukissiorfiit.gl aqqutigalugu alaatsinaaqqullugu (takuuk atuinerit misissoruk).

Qaammaqqutit avatangiisinik mianerinnittut

Nukissiorfinni paasissutissiisarfimmeersoq Ivinnguaq Kristiansen naapertorlugu atuisartut qaammaqqutinik juullerpalaartunik nuannarisallit iluaqutigisaminnik qaammaqqutinut avatangiisinik mianerinnittut innaallagissamillu sipaarnartunik atuilersinnaapput. Taamaalilluni qullerpassuarnik atuineq akikinnerungaatsialersinnaavoq:

- Sullitat kaammattorpavut glødepærit qangatoortut pærinik sipaarnartunik LED-kædenillu taarseqqullugit. Pæri sipaarnartoq glødepærimit nalinginnaasumit 20 koruunit missaannaannik akisuneruvoq, taamaattumillu immikkut aningaasartuuteqaraluarluni avatangiisinik mianerinninnerusunut nuunneq suli imminut akilersinnaassaaq, Ivinnguaq Kristiansen erseqqissaavoq.

Isiginnaagassat qalipaatigissaartut tamakkiisunngortinneqarput juullip ulloriaanit aappaluaartunit qangatoortunit. Ileqqoq tamanna qatanngutigiinnianik ajoqersuiartortitaqarnerup 1733-miit 1900-mut nunatsinniittut nalaanni. Taakkua decembarimi ullorissanik naneruarfilisarlutik ingerlaaqatigiittarsimapput illullu eqqaanni nivinngaatiterisarsimallutik.

Juullip ulloriai qaamariartoqqilerneranut nutaamillu pisoqangajalerneranut assersuutaapput.

Qaammaqquterpassuit januaarip arferngani Kunngit Pingasut Ulluata unnukkuani qaminneqassapput. Taava tuttut, qaammaqqutit uiguleriiaat ullorissallu poortuunnissaannut piffissanngussaaq – ukiuuneratalu taarnera illoqarfimmut atuukkallalaalissalluni.

Aasaanerani nalunaaqutaq marsimi sapaammi kingullermi aallartissaaq.

Powered by Labrador CMS