Skip to main content

Dansk Folkepartip LO tapersersorpaa

Tupinnaqaaq S aamma SF Kalaallit Nunaanni Kinamiut akissarsiakillutik sulinissaat akuerinnaammassuk, DF-p siulittaasua Kristian Thulesen Dahl oqarpoq

Danmarkimi sulisartut kattuffiisa qullersaasa qallunaat naalakkersuisui Socialdemokratinik siuttoqartut nalinginnaasumik iligiuartakkanik nunarsuarmi sulisartut kattuffissuanut unnerluutiginiarlugit ilimasaarutigaat. Tamannalu Dansk Folkepartip siulittaasuata Kristian Thulesen Dahlip isumaqatigaa.

LO-p sulisullu kattuffiata 3F-p Politiken naapertorlugu nuannarinngilluinnarpaat S aamma SF suliniutit angisuut pillugit inatsinit akueriniarmassuk. 

Læs "Jurister: LO har en god sag"

Læs "LO varsler sag mod regeringen"

- Sulisartut kattuffi qutsavigaakka ministeriuneq akerlilluinnarpassuk Kalaallit Nunaanni Kinamiut akissarsiakillutik sulinissaat pillugu suliami, Kristian Thulesen Dahl oqarpoq.

- Tupinnaqaaq S aamma SF akuersaarsinnaammata Kinamiut 4000-5000-t akissarsiakitsumik Kalaallit Nunaannut suliartornissaannut, uffa oqariartuutigalugu akissaatikinnersiorluni sulisussarsiortarneq akuersaarsinnaanagu. Sooq tamanna akuerineqassava Kalaallit Nunaanni pissappat. Neriuppunga sulisartut kattuffiisa tamanna aalajangiusimassagaat, Kristian Thulesen Dahl nangippoq.

Qallunaat Folketingimi inatsit immikkut inatsisiliornikkut akuersaassagaat ilimagineqarpoq. Tamanna pippat naalakkersuisut nunarsuarmi tamarmi sulisartut kattuffissuanut maalaarutigineqarnissartik naatsorsuutigisinnaavaat.  

Allaaserisaq ”LO: Qallunaat misilittagaat tusarnaalaariarsigit” uani sapaatit akunnerani Sermitsiami atuaruk, niuertarfinniilereerpoq. Aviisi aamma uani pisiarisinnaavat:  

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER