Skip to main content

Danmark unittooqavoq

Danmarkimi aningaasarsiorneq pitsaanngilaq aamma suliffissaaleqisut amerlanerpaaffissaat 2013-imi ukiup affaani siullermi naatsorsuutigineqarpoq - aatsaat taamak amerlatigilerlutik 168.000-nngussangatinneqaramik

Qallunaat naalakkersuisuisa neriulluaatitik apparterujussuartariaqarpaat aamma naalakkersuisut qallunaat aningaasaqarneranni ukioq mannamut aappaagumullu neriulluaatitik appartittariaqarpaat.

Naalakkersuisut naapertorlugit qallunaat naatsorsuutigisariaqarpaat suliffissaaleqinerup qaffakkiartuinnarnissaa, aatsaallu 2013-imi ukiup affaani siullermi inuit 168.000-t suliffissaaleqillutik taamak amerlatigilerpata qaffannerusinnaassagunarnani. Tassa Nunatsini innuttaasut pingasoriaataat suliffissaaleqilissapput. 

Tamatuma saniatigut qallunaat naalakkersuisuisa aningaasaqarnerup pitsaasumik ineriartornissaanik 0,9 procentimik naatsorsuutigisaagaluat ukioq manna 0,4 procentimik ajorseriartitsissasoq tagginneqarpoq.

 

Siunissamut takorluukkat qaamanngitsut
Inuit aningaasanik atuineri illunillu tuniniaanerup ineriartornerat naalakkersuisunut neriuutissaqartitsivallaanngillat, naalakkersuisut kisitsisaataat naapertorlugit 2012-imi illunik tuniniaaneq appariarsimavoq aappaagulu taamaaginnarnissaa naatsorsuutigineqarluni. 

Taamaattumik ukioq 2012 qallunaat aningaasaqarnerat naalakkersuisut naatsorsuutigisaannit ajorneruvoq, aningaasaqarnermut nunamullu namminermut naalakkersuisoq Margrethe Vestager (R) oqarpoq, taassuma sisamanngornermi 'Aningaasaqarnermut Nalunaarut' kusananngitsunik kisitsisilik saqqummiuppaa, taanna ukiumut pingasoriarluni saqqummiunneqartarpoq. 

- Assinganik oqaqqiinnartariaqarpugut: 2012 tassaanngilaq ukioq neriuutigisatsitut naatsorsuutigisatsitullu atugaqarfiusoq, Margrethe Vestager oqarpoq nangillunilu:

- Ajoraluartumik paasinarsivoq qallunaat aningaaseqarnerata kinguariarujussuarfiunera piffissaq sivisunerusoq atorlugu aaqqittariaqarsimavoq. 

 

2013-imi ajunngitsumik ineriartortoqarnissaa naatsorsuutigineqassaaq
- Naak nunanut allanut naleqqiulluta annikinnermik eqqugaaluarluta piareersimaffigisariaqarparput ilungersorluta sulisariaqarluta aamma nunap aningaasaqarnerata aaqqinnisssaata tungaanut piffissartornerusariaqarluta, Margrethe Vestager oqarpoq.

Naalakkersuisooqatigiit S-R-SF aggustimi aningaasaqarnermut inatsisissatut siunnersuut saqqummiummasssuk aningaasaqarnerup 0,9 procentimik pitsannguuteqarnissaa naatsorsuutigineqarpoq 2013-imilu 1,7 procentimik. 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER