Skip to main content

Kalaallit Nunaat pimoorunneqassaaq

Venstreni Kalaallit Nunaannut tunngasuni oqaaseqartartoq nutaaq, Gitte Lillelund Bech, isumaqarpoq, Kalaallit Nunaat eqqarsaatigalugu Danmarkimi naalakkersuisut ilatsiinnarpallaartut – kisianni suliniutinut angisuunut inatsit pineqartillugu Venstrep utaqqimaarnera nammineq uteqqippaa

Immikkut inatsisissamut Danmarkimi naalakkersuisut inatsisissatut siunnersuutaat ilimagineqartoq partiimit takuneqartinnagu Venstre suliniutinut angisuunut inatsimmut isummerusunngilaq. Maannakkorpiaq oqaaseqarusunngilagut, Venstremi Kalaallit Nunaannut tunngasuni oqaaseqartartunngoqqammersoq illersornissamullu ministeriusimasoq Gitte Lillelund Bech Sermitsiaq.AG-mut oqarpoq.

- Suliniutinut angisuunut inatsip pillugu inatsisissatut siunnersuut Danmarkimi naalakkersuisunit qanoq oqaasertalerneqassasoq naluarput. Nunanit allaneersunut inatsimmut attuumassuteqassava imaluunniit allarluinnaassava? Tamanna suli naluarput, taamaattumik inatsisissatut siunnersuut peqataaffigissaneripput suli isummerfigisinnaanngilarput, Gitte Lillelund Bech oqarpoq.

Ilatsiinnarpallaartut
Tamatumali peqatigisaanik oqaaseqartartup nutaap oqaatigaa Kalaallit Nunaannut tunngasuni Danmarkimi naalakkersuisut ilatsiinnarpallaarnerat Venstremit tupaallaatigineqartoq. Tamatumunnga atatillugu Naalakkersuisut siulittaasuata Kuupik Kleistip geologiimilu professorip Minik Rosingip isumaliutersuutaat eqqartorneqartorujussuaq kalaallit qallunaallu suleqatigiinnissaannik siunnersuuteqartoq 'Abonnement på fremtiden' Gitte Lillelund Bechip eqqaavaa.

- Kuupik Kleistip Minik Rosingillu assammik isaassinerannut atatillugu naalakkersuisut ilatsiinnarnerat uissuummissutigisorujussuuarput. Venstremi isumaqarpugut assammik isaassineq tamanna Danmarkip ilassilluartariaqaraa, Gitte Lillelund Bech oqarpoq.

Kina akuutinneqassappat isumannaallisaanermi politikki pineqalissaaq
Sammisarlu suleqatigiinnermik annertunerujussuarmik atorfissaqartitsisoq tassarpiaavoq isumannaallisaanermut politikki, Gitte Lillelund Bech oqarpoq, Kinalu Kalaallit Nunaannut isissappat tamanna isumannaallisaanermi polikkimi sammisatut isumaqassanerarlugu.

- Kinamiut suliffeqarfii Kalaallit Nunaanni aatsitassarsiornissamik suliniutinik pissarsippata taava isumannaallisaanikkut politikkikkut pissutsit qanoq ittuussappat? Isumannaallisaanikkut politikkikkut Kinamiunik suleqateqarneq unammilligassaassaaq, Gitte Lillelund Bech erseqqissaavoq.

Naluneqanngitsutut isumannaallisaanikkut politikki naalagaaffeqatigiinnerup iluani Danmarkimit akisussaaffigineqarpoq.
 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER