Skip to main content

Meeqqat inissiisarfimmiittartut arlaqaleriartorput

Meeqqat illersuisuat niviarsiaqqamik 15-inik ukiulimmik ulluni qulini inissiisarfimmiissimasumik suliamut akuliuppoq. Ukiukitsut inissiisarfimmut inissinneqartartut arlaqaleriartorput

Niviarsiaqqamik 15-inik ukiulimmik ulluni qulini inissiisarfimmiissimasumik suliaq qaqutigoortooqqajanngilaq.

Tassami meeqqat amerlanerujartortut inissiisarfimmut inissinneqartariaqalersimapput qanoq iliuuseqarfiginissaat ilisimaneqanngimmat, Kommune Kujallermit oqaatigineqarpoq:

Læs "Katastrofalt med 15-årig i anstalt"

- Oqarusuppunga ajornartorsiut annertusiartormat. Ungaluuserlugu oqaatigisinnaavara suli allanik marlunnik sapaatip-akunnerani matumani takkuttunik peqaratta. Tamatigullu ernumaammernartuusarpoq, Kommune Kujallermi isumaginninnermut pisortaq Mikkel Balle KNR-imi radioaviisimut oqarpoq.

Nukappiaqqat marluk suliani nutaanerpaasut
KNR-ip paasissutissaatai naapertorlugit suliat nutaat marluk niviarsiaqqamik 15-inik ukiulimmik suliap peqatigipajaagaanik suliarineqartut, tamatumanilu nukappiaqqat 15-inik aamma 16-inik ukiullit annikitsumik pineqarluuteqarsimasut pasineqartut pineqarput.

- Ataaseq immikkut ittumut naleqquttumullu inissinneqarsimavoq, ataaserlu eqqartuussivimmut sassartinneqarluni. Taassumalu pineqaatissinneqarsimasunut inissiisarfimmut inissinneqarnissaa ilimanarpoq, Mikkel Balle oqarpoq.

Ineriartornerlu tamanna naammaginanngilaq, meeqqat illersuisuat Aaja Chemnitz Larsen isumaqarpoq.

Inuiaqatigiit pisussaaffeqarput
- Meeqqat inersimasullu pinerluuteqarsimasut pissutsit assigiinni inissinneqarsimasariaqanngillat, inuiaqatigiillu meeqqanut pillarneqaataasinnaasunik iliuuseqarsimasutut pasineqartut unnerluutigineqartulluunniit pisussaaffeqarput, pissutsinik ukiuminnut naleqqutinngitsunik atugaqartitaaqqunagit, meeqqat illersuisuat tusagassiuutitigut nalunaarummi allappoq.

Læs "15-årig pige smidt i anstalt"

- Suliat pineqartut inuusuttuaqqat akuuffigisaat malinnaaffigaakka. Tassunga ilanngullugu niviarsiaqqamik 15-inik ukiulimmik naapillugulu oqaloqatigisimasannik suliaq. Suliaq suli malittariniarpara kommunillu niviarsiaqqamut pilersaarusiai malinnaavigiumallugit suliamik takunnissinnaatitaaneq qinnutigissallugu, meeqqat illersuisuat Aaja Chemnitz Larsen oqarpoq.

Læs "Under al kritik med pige i anstalt"

- Meeqqat pisariaqanngitsumik anniaateqalertitaaqqunagit inissiinissamut periarfissanik pitsaasunik inuiaqatigiit nassaarniarnissaat pingaaruteqarpoq. Nuna tamakkerlugu angerlarsimaffik ukiuinut, inuttut atugarisaannut naleqquttoq taakkununngalu pitsaanerusussamik isumaginniffiusoq piginnaanngorsaqqinneqarnissamillu periarfissalik maani Kalaallit Nunaanni kissaatiginarpoq. Taamaalilluta meeqqanut pitsaanerusussat qulakkeersinnaavavut inuiaqatigiinnullu akuulernissaat tamatuma peqatigisaanik qulakkeerlugu, nangilluni oqarpoq, siunissarlu ungasinnerusoq eqqarsaatigalugu aaqqiissutissamik Naalakkersuisut kommunillu nassaarniarnissaat siunnersuutigalugu.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER