Skip to main content

Villy: Kalaallit Nunaat Tibetimut maligassaavoq

Kinami tineraarnermini nunanut allanut ministerip Villy Søvndalip namminersorlutik oqartussat Tibetimit maligassatut oqaatigai 

Qallunaat nunanut allanut ministeriata Villy Søvndalip SF-meersup Kinami tikeraarnermini nunatsinni namminersorlutik oqartussat najukkami aqutsinissamut maligassatut assersuutigai, Politiken allappoq.

Tamanna pivoq ippassaq Kinamiit nunanut allanut ministerip Yang Jiechip ataatsimeeqatiginerani Kinap Tibetimik pinninnera isornartorsioramiuk.  

Oqaatigaa piffissami kingullermi Tibetimi inuit imminnut ikuallattarnerat Kinap Tibetik naqisimanninneranik toqqaannartumik peqquteqartoq. 

Imminut tulluussimaarutiginissaq pingaartuuvoq
- Imminut ikuallartarnerit tapersersunngilakka. Tamanna neriuutissaarunnertut isigaara. Neriuutigaarali Kinamiut namminersorlutik oqartussanik piorsaaqqinnissaminnut sapiissuseqassasut, Villy Søvndal Politiken naapertorlugu oqarpoq.

Læs "Naaja: Vi skal tale Tibets sag"

Læs "Ingen soloudmeldinger om Tibet"

Taamaattumik Søvndalip Kinami ministereqatiminik ataatsimeeqqateqarnermini kalaallit namminersorlutik oqartussaanera eqqartorpaa 'tassanimi inuiaat kulturikkut kinaassusaasa imminnut tulluussimaarutiginerisa attaneqarnissaa pingaartuuvoq, kulturip tatineqarpallaarnissaa pinngitsoorniarlugu'. 


Sapiiserluni isornartorsiuineq
- Danmarkimi namminersornerunermik illersuisuvut. Kinami allamik periaaseqartoqarpoq, nunanut allanut ministeri sapiiserluni Kinamik isornartorsiuinermini oqarpoq. 

Søvdalip oqaatigaa Danmarkimit Kinap Issittumik Siunnersuisooqatigiinni alaatsinaatsutut inissisimanissamik kissaateqarnera tapersertorneqartoq. 

Villy Søvndalip tikeraarnermini Kinamiut kalaallit sulinutit angisuut pillugit inatsimmik akuersinerannut soqutigisaqarnera eqqartunngilaa.  

- Namminersorneq pillugu inatsit naapertorlugu tamakku kalaallinit aalajangigassaapput. Akuliunniarnissarput eqqarsaatigineqarsinnaanngilarluunniit, nunanut allanut ministeri oqarpoq. 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER