Skip to main content

Immap assiliorneq aningaasanik aporfeqarpoq

Sakkutuut nunatta imartaani immap assiliorneq naalakkersuinermik suliaqartut piumasaattut sukkatigisumik ingerlassinnaanngilaat aningaasanik amikkisaarneq peqqutigalugu 

Nunatta imartaani sinerissap qanittuni sukkasuumik immamik uuttortaanernik assiliornermillu qallunaat naammassisinnaanngilaat, naak qallunaat naalakkersuisuisa partiillu illuatungiliuttut tamanna kissaatigigaluaraat. 

Suliarinissaanummi aningaasat naammanngillat, Ingeniøren allappoq. 

Ullumikkut sakkutuut umiarsuarmik uuttortaatinik marluinnarnik peqarput, taakkulu ekkolod atorlugu immap isorartussusaanik naqqanillu uuttortaapput.  

Pilersaarutaavoq umiarsuit uuttortaatit taakku marluk umiarsuani nakkutilliissutinik anginerumaatnik Knud Rasmussenitut ittunik taarserneqarnissaat, tamannali aningaasaliiffigineqarsimanngitsoq Ingeniørenimit maluginiaqquneqarpoq. 

Qallunaat avatangiisinut ministeria Ida Auken SF-meersoq annertunerusumik imaanik uuttortaanissamik neriorsuisimavoq, taamaattumillu nunatta imartaani imaanik uuttortaanissamut nunanut issittumut sineriaqartunut ikiortissarsiorsimavoq, tullianilu uuttortaanissami taakku arlaannit ikiorneqarnissamut periarfissaqalersimavoq. 

Siunissaq eqqarsaatigalugu siusinnerusukkut avatangiisinut ministerip nunatta imartaani kitaaniittuni uuttortaanissat pingaarnernut pingasunut immikkoortissimavai. 

- Nunatsinni illoqarfiit angisuut akornanni umiarsuakkut angallaviit uttoortaqqinneqarnissaat: Nuuk, Sisimiut, Uummannaq, Aasiaat, Maniitsoq, Qaqortoq, Nanortalik, Paamiut, Ilulissat Narsarlu. Suliassaq taanna ukiualuit ingerlaneranni naammassissaaq. 

- Nunatta kitaani Upernavimmiit Nunap Isuanut sinerissap qanittuanik uuttortaanerit ukiuni 5-10-ni ingerlanneqartussat. 

- Takornariaqarnikkut allatigullu inuussutissarsiornikkut ineriartornermut atatillugu imaata aqqutillu uuttortarnissaat, tassalu sinarissaq avataani kitaata sineraani kangerluit ukiuni 5-10-ni tulliuttuni takornariartaatsinut allatigullu niuernikkut angallannikkut soqutinartut aqqusaarlugit. 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER