Skip to main content

Suliutinut angisuunut isumaliutissiissut isoraat

Siumut isumaqanngilaq inuussutissarsiornermik ataatsimiititaliap isumaliutissiissutaat utaqqisaq naammanngitsoq. Suliaq naammassineqanngitsoq isornartorsiut taamak nipeqarpoq 

Inatsisartut inuussutissarsiornermut ataatsimiititaliaata suliniutinut angisuunut isumaliutissiissutaa  pingaaruteqartoq suliaavoq affaannarmik naammassisaq, illuatungiliuttut partiiat Siumut KNR'imut oqarput: 

- Siumumilli ilaasortap oqaatigaa, suliaq affaannarmik suliaasoq pitsaanerusinnaagaluartorlu. Siumumit isumaqarpugut, sivisunermik piffissaqarsimasuugutta pitsaanerujussuarmik inatsisiliorsimassagaluarluta, Inuussutissarsiornermut ataatsimiititaliami ilaasortaq, Karl Lyberth, Siumut taama KNR'imut oqarpoq.

Isumaliutissiissut ataasinngornermi saqqummiunneqarpoq - tunniunneqarluni siulia atorsinnaanngitsutut nalilerneqareersoq - suliniutinut angisuunut inatsisissaq pingajussaaneerneqarnissaa novembarimit sisamanngornermut tallimanngornermullu sapaatip akunnerani uani kinguartinneqarluni, taamaaliornikkut inatsimmik suliap sivisunermik piffissaqarfigineqarumalluni. 

Atuaruk "Kingusinaartinnat tusaaneqarit"

Kisianni tassa Siumut isumaqartuarsinnarput piffissamik suli pisariaqartitsillutik Siumut naapertorlugu, ilaatigut inuussutissarsiornermik ataatsimiititaliap amigaatigaa nunanit allaneersut ingerlatsiviit nunaqavissunik ilinniartitsinissamik piumasaaqateqarfigineqarnissaasa oqaluuserineqarnissaat aamma ilanngullugu oqaatigaat, aatsitassarsiorfiit aallartisarneqarneranni ajutoortoqartillugu, napparsimmaveqarfiup isumannaatsumik peqataaffigalugu suliarisinnaaneraa, ataatsimiititaliap sukumiisumik eqqartorsimasinnaagaluaraa. 

Kisianni inuussutissarsiornermik ataatsimiititap siulittaasua Naaja Nathanielsen, IA isornartorsiuineq tunngavissaqannginnerarpaa:

- Taasatit taakku isumaliutissiissummi ikinnerussuteqartunit taaneqanngillat, taamaattumillu tamanna tusaatissatut tiguinnarsinnaallugu. Nammineerlunga isumaqarpunga partiit tamatta ataatsimiititaliami ilaasortaasugut periarfissaqarsimagatta nalornisatsinnik erseqqissaanisatsinnut isumaliutissiissutip saqqummiutinnginnerani. Saqqummiussarput uanga nammineerlunga nuannaarutigaara. Suliarput tuaviuussaanngilaq, isumaqarpungalu politikikkut pisussaaffipput naapertorlugu naammassissaqarsimalluta, Naaja Nathanielsen, Inuit Ataqatigiinneersoq KNR'imut oqarpoq.

Siumut sivitsortumik kissaatigalugu oqaatigisarpaa suliniutinut angisuunut inatsisissaq upernaakkut ataatsimiinnermut kinguartittariaqartoq. 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER