Skip to main content

Savalimmiuni toqutsisutut eqqartuussisoqarpoq timi nanineqanngikkaluartoq

Savalimmiormiumik Dánjal Petur Hansenimik toqutsineq ukiuni 14'ini parnaarussaanissamik kinguneqarpoq, naak toqutaasup timaa nassaarineqanngikkaluartoq. Savalimmiuni 1980'ikkut kingorna aatsaat toqutsineq pillugu eqqartuussisoqarluni  

Timi nassaarineqanngikkaluarpoq taamaattoq angut toqutsisimasutut pineqaatissinneqarpoq.

Sisamanngornermi ullaakkut Savalimmiuni Eqqartuussiviup kroatiamiu Milan Kolovrat ukiuni 14'ini parnaarussaasussatut eqqartuuppaa Dánjal Petur Hansenimik, Piddamik taaguutilimmik toqutsisimasutut. Taamak portal.fo allaaserisaqarpoq.

Pidda novembarip tallimaanni 2011 kingullermik takuneqarpoq. Nunaqarfimmi Rúnavikimi illumi silataani takuneqarami, kingornali periarfeerutivilluni. 

 

Siatsivik pissutigalugu paasineqartoq
Teknikkikkut uppernarsaatissat aallaaviullutik Milan Kolovrat eqqartuussivikkut pineqaatissinneqarpoq. Piddap sinittarfiani politiit siatsiviup ilaa nassaaraat Piddap aavanik simernertalik. 

Milan Kolovratip angerlarsimaffiani siatsivik taannarpiaq nassaarineqarpoq inuup sananeqaataanik nassaassartalik, dna-mik paasiniaanermit Piddameersuunissaa ilimagineqaqaluni.

Timimi nassaartoqanngikkaluartoq suliaq immikkuullarippoq. Ilami qaqutigorujussuaq Savalimmiuni toqutsisoqartarmat.

 

80'ikkut kingorna toqutsineq siulleq 
Atlantip avannaani kingullermik toqutsisoqarpoq 1980'ikkunni, Piddamillu toqutsineq qeqertani inuiaqatigiinnguani toqqissisimaqisuni ersiornermik pilersitsivoq.

Misissuinerni pisortap tullia Hildur Henze siornatigut oqaluttuareerpoq ukiuni 20-ni politiini sulinermini suliamik assingusumik naammattuuisimanngisaannarluni.  

- Savalimmiuni uissuummissutaaqaaq savalimmiormiunilu initoqaluni. Innuttaasunik annertuumik sunniuteqarpoq - Savalimmiuni taamannak pisoqarnera pissutigalugu. Pisussaanngitsutut takorluugaq piviusunngormat, Hildur oqarpoq.

Parnaarussaanermik pineqaatissinneqarnerata saniatigut Milan Kolovrat nunamit anisinneqassaaq kingorna nunamut tummaqqissinnaajunnaarlugu. Taassuma eqqarsaatigaa pineqaatissinneqarnini suliassanngorteqqissanerlugu. 

Dánjal Petur Hansen 42-nik ukioqalerpoq.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER