Skip to main content

Isumaliutersuut: Kalaallit Nunaata aatitassai - qallunaallu pisuusaarnerat

Professor Christen Sørensen Kalaallit Nunaanni aatsitassarsiulersinnaaneq pillugu isumaliutersuummik uissuumminartumik Berlingskemi allaaserisaqarpoq

Berlingskemi ullormut saqqummersumi isumaliutersuummi Kalaallit Nunaata aningaasaqarnermut pillugu ataatsimiititaliamut siunnersuisartuusumut siulittaasuusimasoq Syddansk Universitetimilu aningaasaqarnermut tunngasuni professori Christen Sørensen nunami maani aatsitassarsiornermut tunngasunik aviisip atuartartuinut saqqummiussaqarpoq.

Christen Sørensenip isumaliutersuutaanit tiguulaakkaavut ukuupput:

 

Nunat tamalaat akornanni aatsitassarsiornikkut suliffeqarfissuit suliffeqarfiit akileraarutaannik naapertuilluartumik akiliuteqartissinnaanissaat Kalaallit Nunaata qanoq ililluni iluatsissaneraa sulisussanillu avataaneersunik Kalaallit Nunaanni isumaqatigiissutit ataanniittussaanngitsunik soorlu Kinamiunik tikisitsinissaq akuersissutigineqassanersoq eqqumaffigineqartorujussuuvoq. Taakkunani ilaatigut Afrikami ineriartorsimaneq amiilaarnartuuvoq.

Ajornartorsiutit tamakkua ilisimaarineqarnerat Kalaallit Nunaannilu aalajangiiniartarnermi qitiusumik inissisimaffeqarnerat qularutiginngilluinnarpara. Kisianni inuttut nammineq ilaquttallu siunissami atugarliornissamik ilimanaatilimmi inissisimaffeqaraanni taakkualu isumalluarnartunngortinneqaratik atorsaasunngortiinnarlugit isumaqatigiissusiortoqaannarpat, qanoq iliortoqassava isumaqatigiissut tamanna pitsaanerujussuunissaraluaminit ajornerujussuuppat? Nalornisorujussuunissara ilimaginngilara.

Taamaattumik suliniutit angisuut pillugit isumaqatigiissutit siulliit aatsitassarsiornerup aluminiuliornerullu iluanni Kalaallit Nunaannut kissaatigineqaraluartunit pitsaannginnerunissaat uanga tunginnit isigalugu ilimanaateqarpoq. Tamanna Kalaallit Nunaanni oqaluttuarineqartariaqartoq ilimaginngilara.

Kisianni tamatumani pisuusaarneq takkuppoq. Tassami Kalaallit Nunaanni aalajangiisartut tatisimaneqarnerat annikillisinniarlugu suujunnarsinniarluguluunniit uagut, Danmark allalli, qanoq iliuuseqarsimavugut? Tamanna aatsitassanut qaqutigoortunut atatillugu inuttut nammineq misigisimasannik assersuusiorfigerusuppara.

Christen Sørensenip isumaliutersuutaa tamakkerlugu maani atuaruk

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER