Inigisaqanngitsumut meeqqap inissinneqarnissaanik siunnersuut tupassutigaa
Kommunalbestyrelsemi ilaasortap Esther Frederiksenimut inigisaqanngitsumut inissaminik neqeroorfigineqarani meeqqami allamik inissinneqarnissaanik neqeroorfigitittumut suliaq tuaviortumik ataatsimiissutigitikkusuppaa
Esther Frederiksen inissaqarani inissaminik noqqaaniarluni Kommuneqarfik Sermersuumut saaffiginnikkami itigartinneqarpoq, kommunimilli neqeroorutigineqarpoq pania paarineqalissasoq meeqqanulluunniit angerlarsimaffimmiilerluni taamaalilluni inissaqarluni.
Læs ”Kommune foreslog at sætte boligløs' datter i pleje"
Tamannalu Kommuneqarfik Sermersuumi tungiuinermut ataatsimiititaliami ilaasortap Demokraatineersup tupassutigaa.
- Tusarlugu tupannarpoq. Ataatsimiititaliami ilaasortatut ataatsimiititaliami siulittaasumut saaffiginninniarpung atuaviornerpaamillu sullissisumik ataatsimeeqateqarluta, Demokraatiniit Justus Hansen Nuuk TV-mut oqarpoq.
Kommuni: Inatsit malipparput
Kommuneqarfik Sermersuup aalangiussimajuarsinnarpaa inatsit malinneqarsimasoq aammali oqaatigalugu pisoq pitsaanerpaamik aaqqinneqarsimanngitsoq:
- Meeqqap angajoqqaamini ingerlalluartup inissinnissaa soorunami pitsaanerpaajunngilaq, inissiinerli periarfissat kingullersaraat, Kommuneqarfik Sermersuumi tungiuinermik immikkoortortami pisortaq Arnajaraq Poulsen Nuuk TV-mut oqarpoq.
Taamaalilluni naqissuserpaa inissaaleqinerujussuaq taama annertutigitillugu kommunip iliuuserisinnaasai qanoq killeqartigisut.